लकडाउन बेवास्ता गर्दै मेला (भिडिओसहित)
<p>कैलाली। कोरोना रोकथामका लागि सरकारले जारी गरेको लक डाउनलाई बेवास्ता गर्दै बझाङको छबीस पाथिभेरा गाउँपालिका ३ कँडेल गाउँमा २३ चैतमा हजारौं सहभागी भई 'बान्‍नी कि चैतली' मेला मनाइएको छ।</p>
<p>भीडभाड, अन्तरपालिका आवागमन, भेला र जमघट नगर्ने सरकारको आह्वान लत्याउँदै धुमधामसहित मेला आयोजना भएको हो।</p>
<p>हरेक वर्ष चैते दशैंमा मष्‍टा पूजाका क्रममा मनाइने बान्‍नीकी चैतली सुदूरपश्चिममा प्रख्यात मेला हो।</p>
<p>बझाङका प्रमुख जिल्ला अधिकारी अशोक पाण्डेयले मेला आयोजना नगर्ने निर्णय गरिए पनि प्रशासनको निर्णयलाई लत्याइएको बताए।</p>
<p>मेला आयोजना हुने सूचना पाएर प्रहरीलाई गौंडा गौंडामा राखिए पनि आँखा छलेर स्थानीय बासिन्दा सहभागी भएको प्रजिअ पाण्डेयले बताए।</p>
<p>गाउँपालिकाले पनि मेला आयोजना नगर्ने निर्णय गरेकामा स्थानीय बासिन्दाले बेवास्ता गरेको छबीस पाथिभेरा गाउँपालिका उपाध्यक्ष राधिका रतालाले बताइन्।</p>
<p>मेलाका क्रममा दुई पक्षबीच झडप पनि भएको छ, जसमा १२ जना घाइते भएका छन्।</p>
<p><iframe frameborder="0" height="590" scrolling="no" src="https://www.youtube.com/embed/qtL4XLWpCLQ" width="750"></iframe></p>
प्रतिक्रिया दिनुहोस्
.jpg)
