सत्तामा पुगेपछि कम्युनिष्टहरु आदर्शबाट विचलित भए: अध्यक्ष दाहाल
<p>चितवन। नेपाल कम्युनिष्ट पार्टी (नेकपा) का अध्यक्ष पुष्पकमल दाहालले सत्तामा गएपछि कम्युनिष्टहरु आदर्शबाट विचलित हुँदै जाने गरेको बताएका छन्।</p>
<p>पार्टीले चितवनमा गरेको चियापानमा अध्यक्ष दाहालले भने, “सत्तामा नपुग्दासम्म त्याग, तपस्या,बलिदान, इमान्दारिता र निष्‍ठा प्रदर्शन गर्न तयार हुने सत्तामा गएपछि यी कुरा क्रमशः विर्सदैं जाने प्रवृत्ती बढेको छ।” </p>
<p>दाहालले पार्टीभित्र नेता कार्यकर्ता अनुशासनबाट विचलित हुँदै गएको बताएका छन्। उनले पार्टीभित्रको स्वार्थी तत्व र गुटमा अलमलिएर जनताबाट टाढा हुँदै जाने रोग सबैतिर बढेको बताए।</p>
<p>“लामो समयदेखि जेलनेल, बलिदान भोगेर ल्याएको राजनीतिक परिवर्तनलाई संस्थागत गर्नु हाम्रै जिम्मेवारी हो,” दाहालले भने।</p>
<p>उनले कहिलेकाहीँ ठिक ढंगले पार्टी, नेता र कार्यकर्ताले क्रान्तिको केन्द्रलाई आत्मसात् गर्न सकेनन् भने त्यो प्रतिक्रान्तिको खतरा हुने बताएका छन्। <br />
</p>
प्रतिक्रिया दिनुहोस्
.jpg)
