सीको भ्रमणपछि खतरा पनि बढेको छः नेता नेपाल
<p>काठमाडौं। नेपाल कम्युनिष्ट पार्टी (नेकपा)का वरिष्ठ नेता माधवकुमार नेपालले ठूला राष्ट्रको स्वार्थबाट मुलुकलाई जोगाउनुपर्ने बताएका छन्।</p>
<p>चिनियाँ राष्ट्रपति सी चिनफिङको नेपाल भ्रमणको सफलतासँगै खतरा पनि बढेको नेता नेपाल बताउँछन्।</p>
<p>सञ्चार केन्द्र नेपालले आज काठमाडौंमा गरेको अन्तरक्रिया कार्यक्रममा उनले सीको भ्रमणपछि विश्वको ध्यान नेपालतर्फ तानिएको बताए।</p>
<p>“सबका आफ्ना–आफ्ना हितहरू हुन्छन्, हरेक ठूला राष्ट्रहरूका आफ्ना स्वार्थ हुन सक्दछन्,” नेता नेपालले भने, “नेपालको स्वतन्त्रता, स्वाभिमान, आन्तरिक मामिलामा अहस्तक्षेप, पारस्परिक लाभको सिद्धान्तको आधारमा सम्बन्ध कायम हुनुपर्छ।”</p>
<p>उनले गैर आवासीय नेपाली संघको नयाँ नेतृत्वका लागि निर्वाचित पदाधिकारीलाई नेपालप्रतिको उद्देश्यमा स्पष्ट हुन आग्रह गरेका छन्। दोहोरो नागरिकता र राजनीतिक अधिकारको खोजीलाई उनले ‘चिचि पनि पापा पनि’ को संज्ञा दिँदै त्यस्तो सुविधा असम्भव रहेको पनि बताए।</p>
प्रतिक्रिया दिनुहोस्
.jpg)
