गगन थापा भन्छन्– ‘आलमको पार्टी सदस्यताबारे केन्द्रीय कार्यसमितिले निर्णय गर्छ’
<p>काठमाडौं । नेपाली कांग्रेसका नेता गगन थापाले पूर्वमन्त्री मोहम्मद अफताब आलमबारे ७ कात्तिकमा बस्ने पार्टीको केन्द्रीय कार्यसमिति बैठकले निर्णय गर्ने बताएका छन्।</p>
<p>उनले बैठकमा सभापति शेरबहादुर देउवाले दिएको अभिव्यक्तिबारे समेत छलफल हुने बताए ।</p>
<p>पूर्वमन्त्री एवं नेपाली कांग्रेसका तर्फबाट रौतहट क्षेत्र नम्बर ३ बाट निर्वाचित प्रतिनिधिसभा सदस्य आलम रौतहटमा १२ बर्षअघि भएको जघन्य सामूहिक हत्याको आरोपमा पक्राउ परेका थिए । </p>
<p>आलम पक्राउको घटनालाई कांग्रेस सभापति शेरबहादुर देउवाले कांग्रेसविरुद्धको षडयन्त्र भन्दै १ कात्तिकमा सरकारको विरोध गरेका थिए। आलमको बचाउमा देउवाले सार्वजनिक रुपमै बोलेपछि कांग्रेस भित्र समेत उनको आलोचना भएको थियो । आफ्नै पार्टीका नेताकार्यकर्ताबाट आलोचना खेप्नु परेपछि देउवाले २ कात्तिकमा विज्ञप्ति जारी गरेर आलम प्रकरणको अनुसन्धानमा सघाउने प्रतिबद्धता व्यक्त गरेका थिए । </p>
<p>विभत्स तवरले गरिएको सामूहिक हत्याकाण्डमा संलग्नताको आरोप लागेका आलमलाई कांग्रेसले कारबाहीको साटो उल्टै बचाऊ गरेको भन्दै सार्वजनिक आलोचना चुलिएको छ । </p>
<p>कांग्रेस नेता थापाले ७ कात्तिकको बैठकमा आलमको पार्टी सदस्यता के गर्ने भन्नेबारे समेत छलफल हुने बताए । “हामी सभापतिले जारी गरेको विज्ञप्तिलाई उहाँको आधिकारिक धारणा मान्छौं”, थापाले देखापढीसँग भने, “यद्यपि, सभापतिले सार्वजनिक रुपमा बोल्नु भएको कुरामा पनि हामी छलफल गछौँ।”</p>
<p>१४ मंसिरमा हुने उपनिर्वाचनलाई कांगे्रसले नेकपा नेतृत्वको सरकारविरुद्धको ‘मिनि जनमतसंग्रह’का रुपमा चर्चा गरिरहेका बेला सभापति देउवाको अभिव्यक्तिले पार्टीलाई नै अप्ठेरोमा पारेको बुझाई कांग्रेसभित्र देखिन्छ । </p>
<p>२०६४ सालको संविधानसभा निर्वाचनका बेला रौतहटमा इँटाभट्टामा कार्यरत मजदुरलाई जलाएर मारेको आरोपमा आलम २६ असोजमा पक्राउ परेका हुन् । <br />
</p>
प्रतिक्रिया दिनुहोस्
.jpg)
