महरामाथि लागेको आरोपको अनुसन्धान पूरा नभई सभामुखको निर्वाचन गराउन मिल्दैनः पौडेल
<p>काठमाडौं। नेकपाका नेता देवेन्द्र पौडेलले कृष्णबहादुर महरामाथि लगाइएको आरोपबारे अनुसन्धान पूरा नभई सभामुख पदको निर्वाचन गराउन नमिल्ने बताएका छन्।</p>
<p>आज काठमाडौंमा भएको एक कार्यक्रममा नेता पौडेलले त्यसको अनुसन्धान भइरहेका बेला सभामुखको निर्वाचन गराउन नमिल्ने बताएका हुन्।</p>
<p>यौन दूराचारको आरोप लागेपछि महराले सभामुख पदबाट राजीनामा दिएका छन्।</p>
<p>नेता पाैडेलले सभामुखको निर्वाचन विधिसम्मत ढंगले गर्न आफ्नो पार्टी तयार रहेको पनि बताए।</p>
<p>संविधानले फरक दलको सभामुख र उपसभामुख हुने व्यवस्था गरेकाले आफ्नो पार्टी सोहीअनुसार अघि बढ्न तयार रहेको नेता पौडेलको भनाइ छ।</p>
<p>नेता पौडेलले जनमतबाट निर्वाचित सरकारलाई दुईतिहाइको दम्भ देखायो भनेर प्रमुख प्रतिपक्ष दल नेपाली कांग्रेसले जनमतकै अपमान गरिरहेको आरोप पनि लगाए।</p>
प्रतिक्रिया दिनुहोस्
.jpg)
