कांग्रेसलाई उम्मेदवार छान्न सकस
<p>काठमाडौं। आउँदो १४ मंसिरमा हुने उपनिर्वाचनमा आकांक्षी बढेपछि प्रमुख प्रतिपक्ष नेपाली कांग्रेसलाई उम्मेदवार छान्न सकस परेको छ।</p>
<p>पार्टी विधान अनुसार जिल्ला कार्यसमितिको रायमा प्रदेश कार्यसमितिले बढीमा ३ जना उम्मेदवारको नाम सिफारिस गर्न यसअघि केन्द्रले निर्देशन दिएको थियो।</p>
<p>तर, धेरै उम्मेदवारको नामावली आएपछि थप छलफल आवश्यकता परेको प्रवक्ता विश्वप्रकाश शर्माले बताए।</p>
<p>उम्मेदवारको बारेमा निर्णय गर्न हिजो बोलाइएको केन्द्रीय समिति बैठक बस्दै नबसी स्थगित भएको छ।</p>
<p>प्रवक्ता शर्माका अनुसार बैठकमा प्रस्ताव गरिएका विषय बारेमा पर्याप्त छलफल नभएकाले बैठक बस्न सकेन।</p>
<p>शर्माले सबैभन्दा बढी कास्कीबाट १६ जना, भक्तपुरबाट १० जना, बाग्लुङबाट ४ जना र दाङबाट ११ जनाको नाम प्राप्त भएको जानकारी दिए।</p>
<p>पुनः सिफारिस गरि पठाउन निर्देशन गर्ने वा केन्द्रले नै निर्णय गर्ने भन्ने छलफल गरी टुुंग्याइने कांग्रेसले जनाएको छ।</p>
प्रतिक्रिया दिनुहोस्
.jpg)
