प्रम ओलीबाट बाङडुङ सिद्धान्तमाथिको छलफलको अध्यक्षता
<p>बाकु (अजरबैजान)। प्रधानमन्त्री केपी शर्मा ओलीले असंलग्न अभियान(नाम)का राष्ट्र तथा सरकार प्रमुखहरूको १८औं शिखर सम्मेलनको उद्घाटनपछिको पूर्णसत्रको आज स्थानीय समयानुसार अपराह्नमा अध्यक्षता गरेका छन्।</p>
<p>नाम सम्मेलनको प्रमुख विषय ‘समसामयिक विश्वका चुनौतीहरूलाई एकीकृत तथा पर्याप्त मात्रामा सम्बोधन गरिएको सुनिश्चित गर्नका लागि बाङडुङ सिद्धान्तको अनुपालन’ रहेको छ।</p>
<p>बैठक बाकु कन्भेन्सन सेन्टरमा आयोजना भइरहेको छ।</p>
<p>असंलग्न आन्दोलनका वर्तमान अध्यक्ष गणतन्त्र अजरबैजानका राष्ट्रपति इलहाम अलियेभपछि उक्त सत्रमा प्रधानमन्त्री ओलीले अध्यक्षता लिएका हुन्।</p>
<p>उनले १९औं राष्ट्र वा सरकार प्रमुखको सम्बोधनसम्म सो बैठकको अध्यक्षता गर्नेछन्।</p>
<p>प्रधानमन्त्री ओलीले २० औं सरकार प्रमुखका रूपमा सो छलफललाई सम्बोधन गर्नेछन्।</p>
<p>यसपछि राष्ट्रपति अलियेभले पुनः अध्यक्षता लिनुे जनाइएको छ। <em>रासस</em></p>
प्रतिक्रिया दिनुहोस्
.jpg)
