सरकारले लोकतन्त्रमाथि आक्रमण गर्न खोजेको छः देउवा
<p>काठमाडाैं। नेपाली कांग्रेसका सभापति शेरबहादुर देउवाले लामो लडाइँपछि प्राप्त अधिकारको रक्षाका लागि कांग्रेस एकजुट हुनुपर्ने बताएका छन्। </p>
<p>नेपाली कांग्रेस काठमाडौं क्षेत्र नं ६ ले आज यहाँ आयोजना गरेको ‘शुभकामना आदानप्रदान तथा जलपान कार्यक्रम’मा उनले नेपाली जनताको लडाइँ, संघर्ष र बलिदानबाट ल्याएको लोकतन्त्रको रक्षा गर्नुपर्ने बताए। “सरकारले लोकतन्त्रमाथि आक्रमण गर्न खोजेको छ, लोकतन्त्रको रक्षाका लागि कांग्रेस एकजुट हुनुपर्छ”, उनले भने। </p>
<p>पूर्वप्रधानमन्त्री देउवाले सरकारले संविधानको मर्म र भावनाविपरीत जनताको अधिकारलाई कुण्ठित गर्न खोजेको आरोप लगाए।</p>
<p>सभापति देउवाले पार्टीभित्र अन्तर्घात बढेका कारण विभिन्न निर्वाचनमा पराजय भोग्नुपरेको बताउँदै चाडपर्वले पार्टीभित्र एकताको सन्देश दिन सहयोग पुग्ने विश्वास व्यक्त गरे।</p>
<p>पार्टीलाई एकजुट बनाएर अगाडि बढ्न आफू गम्भीर रहेको उनको भनाइ थियो।</p>
<p>कांग्रेसका प्रवक्ता विश्वप्रकाश शर्माले वीपीको विचार नै मुलुकको विकासका लागि महत्त्वपूर्ण विचार भएको उल्लेख गरे। “कांग्रेस रूपान्तरणका लागि जागरण अभियानले महत्त्वपूर्ण भूमिका खेलेको छ”, उनले भने।</p>
प्रतिक्रिया दिनुहोस्
.jpg)
