नेकपा गण्डकीद्वारा कास्की-२ मा ३ जनाको नाम सिफारिश
<p>कास्की। नेपाल कम्युनिष्ट पार्टी (नेकपा) गण्डकी प्रदेश कमिटीले आउँदो १४ मंसीरको उपनिर्वाचनका लागि कास्की क्षेत्र नम्बर २ को लागि तीन जनाको नाम केन्द्रमा सिफारिश गर्ने निर्णय गरेको छ। </p>
<p>सिफारिश हुनेमा दिवंगत रबीन्द्र अधिकारीकी पत्नी विद्या भट्टराईसहित सोमनाथ अधिकारी (प्यासी) र राजकाजी गुरुङ (करण) रहेका छन्।</p>
<p>रबीन्द्र अधिकारी २०७४ सालको प्रतिनिधिसभा निर्वाचनमा कास्की–२ बाट निर्वाचित भएका थिए। </p>
<p>अधिकारी पर्यटनमन्त्री रहेकै बेला गत फागुनमा पाथीभरामा भएको हेलिकप्टर दुर्घटनामा ज्यान गुमाएका थिए।</p>
<p>प्यासी पुराना वामपन्थी नेता हुन्। करण २०७४ को निर्वाचनमा कास्की २ (ख) प्रदेशसभामा पराजित भएका थिए।</p>
<p>यसअघि नेकपा जिल्ला कमिटीको ८ कात्तिकको बैठकले सर्वसम्मत रुपमा भट्टराईलाई उम्मेदवार बनाउने निर्णय गरेको थियो।</p>
<p>विद्या भट्टराईको एकल नाम सिफारिश गरे पनि केन्द्रले तीन जनाको नाम सिफारिश गर्न भनेकाले दुई जनाको नाम थपिएको नेकपा गण्डकी इन्चार्ज एवं मूख्यमन्त्री पृथ्वीसुब्बा गुरुङले बताए। </p>
<p>वरिष्ठताको आधारमा अधिकारी र जनजातिको कोटाबाट कास्की इन्चार्जसमेत रहेका करणलाई सिफारिश गरिएको नेकपा गण्डकी संयोजक हितराज पाण्डेले जानकारी दिए।</p>
<p><em>रासस</em>को सहयोगमा </p>
<p>पढ्नुहोस्:</p>
<p><a href="https://dekhapadhi.com/news/1424" target="_blank">कास्की-२ मा विद्या भट्टराईलाई उम्मेदवार बनाउने नेकपाको निर्णय</a></p>
प्रतिक्रिया दिनुहोस्
.jpg)
