संसद् सचिवालयमा राष्ट्रपतिको पत्र, आजैबाट संसद् अधिवेशन अन्त्य
<p><strong>काठमाडौं।</strong> राष्ट्रपति विद्यादेवी भण्डारीले संघीय संसद्को दुवै सदनको चालु अधिवेशन अन्त्य गरेकी छन्।</p>
<p>राष्ट्रपतिले आजै संघीय संसद् सचिवालयमा पत्र पठाएर सरकारको सिफारिसबमोजिम संघीय संसद्को अधिवेशन अन्त्य गरेको बताएकी हुन्।</p>
<p>प्रतिनिधिसभाका सचिव गोपालनाथ योगीले राष्ट्रपति कार्यालयबाट पत्र प्राप्त भएको देखापढीलाई बताए।</p>
<div class="widget-news">
<div class="white-background-news">
<div class="title-2">सिफारिस</div>
<div class="news-snippet"><a class="img-holder sm" href="/news/16891" target="_blank" title="संसद् अधिवेशन अन्त्य गर्न राष्ट्रपतिलाई सिफारिस गर्ने मन्त्रिपरिषद्को निर्णय"><img alt="" src="https://www.dekhapadhi.com/uploads/posts/1593673388.cabinate 18 asar.jpg" /></a>
<div class="details">
<h5 class="title"><a href="/news/16891" target="_blank">संसद् अधिवेशन अन्त्य गर्न राष्ट्रपतिलाई सिफारिस गर्ने मन्त्रिपरिषद्को निर्णय</a></h5>
</div>
</div>
</div>
</div>
<p>“नेपाल सरकार मन्त्रिपरिषद्को मिति २०७७ असार १८ को सिफारिसमा संघीय संसद्को चालु अधिवेशन संवत् २०७७ साल असार १८ गते अपरान्ह ५ बजेदेखि अन्त्य गरेको छु,” राष्ट्रपतिले हस्ताक्षर गरी संसद् सचिवालयमा पठाइएको पत्रमा भनिएको छ।</p>
<p>१७ असारमा बसेको प्रतिनिधिसभाको बैठक शोक प्रस्ताव पारित गरेर २२ असारसम्मको लागि स्थगित गरिएको थियो।</p>
<p>सरकारको सिफारिसमा राष्ट्रपतिले २६ वैशाखमा बजेट अधिवेशन आह्वान गरेकी थिइन्। चालु अधिवेशनबाट संविधान संशोधन भएको थियो भने आगामी आर्थिक वर्षको बजेट पारित भएको थियो।</p>
<p><img alt="" src="/uploads/editor/2020-07-02/083142729president_letter.jpg" /></p>
प्रतिक्रिया दिनुहोस्
.jpg)
