पार्टीको आन्तरिक विवाद समाधानका लागि ओली-दाहालबीच बालुवाटारमा छलफल
<p>काठमाडौं। पार्टीभित्र उत्पन्न भएको विवाद समाधान गर्न सत्तारुढ दल नेपाल कम्युनिष्ट पार्टी (नेकपा) का दुई अध्यक्ष छलफलमा जुटेका छन्।</p>
<p>केहीबेर अघिदेखि प्रधानमन्त्री तथा अध्यक्ष केपी शर्मा ओली र अर्का अध्यक्ष पुष्पकमल दाहालबीच भेटवार्ता जारी रहेको दाहालका प्रेस सल्लाहाकार विष्णु सापकोटाले देखापढीलाई बताए। </p>
<p>पार्टीभित्र बढेको विवादले संकट उत्पन्न भएपछि अध्यक्षद्वय छलफलमा जुटेका हुन्। </p>
<p>“आज दुईअध्यक्षबीच निर्णायक वार्ता हुन्छ”, एक स्थायी कमिटी सदस्यले भने, “पार्टीलाई विभाजन हुनबाट जोगाउनुपर्ने सबैको दबाब भएकाले पनि केही निष्कर्ष निस्कन्छ भन्ने छ।”</p>
<p>बालुवाटार स्रोतका अनुसार बैठकमा महासचिव विष्णु पौडेल र जनार्दन शर्मा पनि सहभागी छन्। पौडेल र शर्माले तत्कालीन नेकपा एमाले र नेकपा माओवादी केन्द्रबीच एकताका लागि मूख्य भूमिका निभाएका थिए। </p>
<p>आज दुईअध्यक्षबीचको भेटवार्तामा उनीहरुको पनि सहभागितालाई अर्थपूर्ण रुपमा हेरिएको छ। </p>
<p>पार्टी एकता गर्दा भएका सहमतिमा नै रहेर अध्यक्षबीच छलफल हुने र निष्कर्ष आउने बुझिएको छ।</p>
प्रतिक्रिया दिनुहोस्
.jpg)
