प्रधानमन्त्रीले केही मन्त्रीहरूलाई भने- मेरै मन्त्रिपरिषद्मा बसेर मेरैविरूद्ध षड्यन्त्र गर्ने ?
<p>काठमाडौं। प्रधानमन्त्री केपी शर्मा ओलीले सरकारका विरूद्ध मन्त्रिपरिषद्कै केही सदस्यहरू लागिपरेकाे बताएका छन्। </p>
<p>बालुवाटारमा आज मन्त्री र राज्यमन्त्रीहरूसँगकाे छलफलमा प्रधानमन्त्रीले सरकारमा सहभागी केही सदस्यहरूबाटै षड्यन्त्र भएकाे बताए पनि त्यसमा संलग्न काे-काे हुन् भन्नेबारे भने खुलाएनन्। </p>
<p>उनले चेतावनीयुक्त भाषामा यस्ता षड्यन्त्रहरूलाई सफल हुन नदिने पनि बताए। </p>
<p>बैठकमा सहभागी एक मन्त्रीले देखापढीसँगकाे कुराकानीमा प्रधानमन्त्रीलाई उद्धृत गर्दै भने, “मेरै मन्त्रिपरिषद्‍मा बसेर मेरैविरुद्ध षड्यन्त्र गर्ने?” </p>
<p>ती मन्त्रीका अनुसार प्रधानमन्त्रीले सत्यसँग लड्दिनँ, असत्यसँग झुक्दिनँ भनेका थिए। </p>
<p>“कम्युनिष्ट आन्दोलन धरापमा परेकाले म जोगाउन लागिपरेको छु, कुनै दिन तपाईंहरूलाई सोध्नुपर्ने हुन सक्छ,” ती मन्त्रीले प्रधानमन्त्रीको भनाइ उद्धृत गर्दै भने, “आन्दोलन जोगाउने पक्षमा हुनुहुन्छ कि विपक्षमा ?”</p>
<p>प्रधानमन्त्रीले यसो भन्दा छलफलमा एकछिन सन्नाटा छाएको ती मन्त्रीको भनाइ छ। </p>
प्रतिक्रिया दिनुहोस्
.jpg)
