प्रदेश प्रमुखहरूको सपथ हुँदै
<p>काठमाडौं। नवनियुक्त सातै प्रदेशका प्रमुखहरूको सपथ ग्रहण आज हुँदैछ।</p>
<p>राष्ट्रपति विद्यादेवी भण्डारीले राष्ट्रपति कार्यालयमा बिहान ९ बजे प्रदेश प्रमुखहरुलाई सपथ ग्रहण गराउने कार्यक्रम रहेको राष्ट्रपतिकी स्वकीय उपसचिव दिपा शर्माले <em>देखापढी</em>लाई बताइन्।</p>
<p>मन्त्रिपरिषद्को सिफारिशमा चितवनका अमिक शेरचन (गण्डकी प्रदेश), कास्कीका सोमनाथ अधिकारी (प्रदेश १), बाँकेका तिलक परियार(प्रदेश २), सिरहाका धर्मनाथ यादव(प्रदेश ५), झापाका विष्णु प्रसाई (प्रदेश ३), डडेल्धुराका गोविन्द कलौनी (कर्णाली प्रदेश) र चितवनकी शर्मिला त्रिपाठी (सुदूरपश्चिम प्रदेश)लाई राष्ट्रपति भण्डारीले १८ कात्तिकमा नियुक्त गरेकी हुन्। </p>
प्रतिक्रिया दिनुहोस्
.jpg)
