निष्कर्षविहीन बन्याे ओली–दाहालबीचको करिब तीन घण्टा लामो छलफल
<p style="text-align: justify;">काठमाडौं। सत्तारुढ दल नेपाल कम्युनिष्ट पार्टीभित्र देखिएको विवाद समाधान गर्न पार्टी अध्यक्षबीच आज भएको छलफल पनि निष्कर्षविहीन भएको छ।</p>
<p style="text-align: justify;">प्रधानमन्त्री निवास बालुवाटारमा दुईअध्यक्षबीच करिब तीन घण्टा लामो छलफल भएको हो।</p>
<p style="text-align: justify;">आजको बैठकलाई निर्णायक छलफल भनिए पनि कुनै ठोस सहमति हुन नसकेको स्रोतले जानकारी दिएको छ। </p>
<p style="text-align: justify;">पार्टी स्थायी कमिटीको बैठक सार्दै अध्यक्षद्वय केपी शर्मा ओली र पुष्पकमल दाहालबीच निरन्तर छलफल भइरहे पनि सहमति जुट्न सकेको छैन।</p>
<p style="text-align: justify;">यद्यपि नेताहरूले एक्लाएक्लै छलफलमा जुटेकाले वार्ताको प्रगति कसरी अगाडि बढिरहेको छ भन्ने खुल्न सकेको छैन।</p>
<p style="text-align: justify;">नेकपाको असार १० गतेदेखि शुरू भएको स्थायी कमिटीको बैठक असार १६ गतेदेखि अवरुद्ध हुँदै आएको छ।</p>
<p style="text-align: justify;">असार २६ गतेका लागि सारिएको बैठकपछि नेताहरूको सहमतिमा साउन २ गतेका लागि सारिएको छ। </p>
<p style="text-align: justify;">तर, यो बीचमा पनि दुईजना अध्यक्षबीच दुईपटक छलफल भइसकेको छ। अध्यक्ष एवं प्रधानमन्त्री केपीशर्मा ओलीले आफ्नो अडान यथावत् नै राखेका छन्।</p>
<p style="text-align: justify;">स्थायी कमिटीसहितका दाहाल खेमाका नेताहरूले ओलीले अध्यक्ष र प्रधानमन्त्री दुवै पदबाट राजीनामा दिनुपर्ने माग अघि सारेका छन्।</p>
<p style="text-align: justify;">प्रधानमन्त्रीले भने दुवै पदबाट राजीनामा नदिने बताइसकेका छन्। सहमतिको बिन्दु कसरी टुंगो लगाउने भन्नेमा अहिलेसम्म नेताहरूले पहिल्याउन सकेका छैनन्। </p>
.jpg)
