भारतको नक्साप्रति साझा पार्टीको आपत्ति
<p><br />
काठमाडौं। साझा पार्टीले भारत सरकारले जारी गरेको नयाँ नक्साप्रति आपत्ति जनाएको छ।</p>
<p>पार्टीका प्रवक्ता डा. सूर्यराज आचार्यद्वारा आज जारी विज्ञप्तिमा 'भारत सरकारको यो कदम अन्तर्राष्‍ट्रिय कानुनको विपरित नेपालको सार्वभौमिकता र भौगोलिक अखण्डतामाथीको ठाडो हस्तक्षेप भएको' उल्लेख छ।</p>
<p>साझाको विज्ञप्तिमा भनिएको छ, 'नेपाल सरकारलाई भारतले जारी गरेको नयाँ नक्साको बारेमा कडा आपत्ति जनाउँदै स्पष्टिकरण माग्न, कालापानी, लिपुलेक र लिम्पियाधुरा नेपालको भूभाग रहेको स्पष्ट पार्न र नक्सा सच्याउन माग गर्न जोडदार आग्रह गर्दछौं।'</p>
<p>मुलुकको सार्वभौमिकता र भौगोलिक अखण्डताजस्तो संवेदनशील विषयसँग सम्बन्धित यो मुद्दामा नेपाल सरकार र सबै राजनीतिक दल एकै ठाउँमा उभिनुपर्ने साझाको जोड छ।</p>
<p>भारतले जारी गरेको नयाँ नक्सामा नेपाली भूभाग कालापानी, लिपुलेक र लिम्पियाधुरालाई भारतमा देखाइएको छ।</p>
<p>नेपाल कम्युनिष्ट पार्टी, नेपाली कांग्रेस र राष्ट्रिय प्रजातन्त्र पार्टीका नेताहरुले पनि भारतले जारी गरेको नयाँ नक्साको विरोध गरेका छन्।</p>
<p><br />
</p>
प्रतिक्रिया दिनुहोस्
.jpg)
