समाजवादको आधार तयार हुँदैछः अध्यक्ष दाहाल
<p>काठमाडौं। नेपाल कम्युनिष्ट पार्टी(नेकपा) का अध्यक्ष पुष्पकमल दाहालले राजनीतिक परिवर्तनपश्चात मुलुकले विकासमा फड्को मारेको हुँदा समाजवादको आधार तयार भइरहेको बताएका छन्। </p>
<p>आज बिहान दाङमा पत्रकारहरुसँग कुरा गर्दै अध्यक्ष दाहालले भने, “विकास हुनु नै समाजवादको आधार तयार हुनु हो।”</p>
<p>“स्थानीय, प्रादेशिक र संघीय सरकारको माध्यमबाट विकास निर्माणलाई गति दिने र समृद्धिको माध्यमबाट संविधानले परिकल्पना गरेको समाजवादको आधार तयार पारिरहेका छौं,” दाहालले भने।</p>
<p>बिहानकै अर्को एक कार्यक्रममा अध्यक्ष दाहालले राजनीतिक इतिहासमा दाङको भुमिका महत्वपूर्ण रहेको बताउँदै दाङलाई प्रदेश ५ को केन्द्र बनाउन आफूले पहल गर्ने बताएका छन्।</p>
<p>जनयुद्ध र जनआन्दोलनको बलमा भएको राजनीतिक परिवर्तन मात्रात्मक नभई गुणात्मक भएको अध्यक्ष दाहालले बताए। </p>
प्रतिक्रिया दिनुहोस्
.jpg)
