भारतद्वारा सार्वजनिक नक्साको विरोधमा नेविसंघको प्रदर्शन
<p>काठमाडौं। नेपाली कांग्रेसको भ्रातृ संस्था नेपाल विद्यार्थी संघले भारतले आफ्नो नक्सामा नेपाली भूमि समावेश गरेर सार्वजनिक गरेको नक्साको विरोधमा प्रदर्शन गरेको छ।</p>
<p>नेविसंघले नेपाली भूभाग कालापानी, लिपुलेक र लिम्पियाधुरालाई भारतको नक्सामा समावेश गरेकोमा काठमाडौंको त्रिचन्द्र क्याम्पस अगाडि विरोध प्रदर्शन गरेको हो।</p>
<p>नेविसंघका नेता दिपक भट्टराईले भारत सरकारले मिचेको नक्साप्रति कूटनीतिक पहलबाट सच्याउन लगाउन नेपाल सरकारको ध्यानाकर्षण गराए। </p>
<p>नेविसंघ त्रिचन्द्र क्याम्पसका नेता सान शिवाकोटीले भारत सरकारले नेपाली भूमिमाथि अतिक्रमण गरेर नेपाल-भारत सम्बन्धलाई बिथोल्न खोजेको टिप्पणी गरे। <em>रासस </em><br />
</p>
प्रतिक्रिया दिनुहोस्
.jpg)
