ओली र दाहालबीचको छलफल निष्कर्षविहीन
<p style="text-align: justify;">काठमाडौं। नेकपा अध्यक्षद्वय प्रधानमन्त्री केपी शर्मा ओली र पुष्पकमल दाहालबीचको छलफल सकिएको छ। </p>
<p style="text-align: justify;">पार्टीको आन्तरिक विवाद समाधानको लागि भएको आजको भेटवार्ताले समाधानको कुनै निकास भने ननिकालेको बताइएको छ। </p>
<p style="text-align: justify;">बालुवाटार स्रोतका अनुसार आपसी छलफललाई निरन्तरता दिने सहमतिका साथ आजको भेटवार्ता सकिएको छ।</p>
<p style="text-align: justify;">"केही सहमति भएको त बाहिर आएको छैन। पुन: भेटघाट गर्ने भन्दै उहाँहरू उठ्नुभयो", स्रोतले भन्यो। </p>
<p style="text-align: justify;">आजको छलफलमा अध्यक्षद्वयसँगै नेकपा संसदीय दलका उपनेता सुवास नेम्वाङ र वरिष्‍ठ नेता झलनाथ खनाल पनि सहभागी थिए। </p>
<p style="text-align: justify;">१० असारबाट शुरू नेकपा स्थायी कमिटी बैठक प्रचण्ड, माधवकुमार नेपाललगायतका नेताहरूले प्रधानमन्त्री ओलीको राजीनामा मागेपछि अवरुद्ध हुँदै आएको छ। </p>
<p style="text-align: justify;">पछिल्लो समय बढेको दुई अध्यक्षबीचको दूरी अन्त्यका लागि नेतृत्वबीच निरन्तर भेटघाट र छलफल भइरहेका छन्। </p>
.jpg)
