नेकपा र कांग्रेसद्वारा बैतडीमा वडा अध्यक्षको उम्मेदवार तय
<p>बैतडी। आउँदो १४ मंसीरको उपनिर्वाचनको लागि स्थानीय तहका वडाहरुमा नेपाल कम्युनिष्ट पार्टी (नेकपा) र नेपाली कांग्रेसले उम्मेदवारको नाम टुंगो लगाएका छन्।</p>
<p>वडाध्यक्ष रिक्त रहेका बैतडीको सुर्नया गाउँपालिका–१, पुर्चौडी नगरपालिका–४ र दोगडाकेदार गाउँपालिका–४ मा उपनिर्वाचन हुँदैछ।</p>
<p>नेकपाका तर्फबाट दोगडाकेदार गाउँपालिका–४ मा नरेन्द्रप्रसाद भट्ट, सुर्नया गाउँपालिका– १ मा धनबहादुर चन्द र पुर्चौडी नगरपालिका–४ मा शैलेन्द्र धानुकलाई अध्यक्षको उम्मेदवार बनाउने निर्णय भएको नेकपाका कार्यालय सचिव प्रजापति जोशीले बताए।</p>
<p>यस्तै कांग्रेस बैतडीका सचिव वीरबहादुर विष्टका अनुसार सुर्नया गाउँपालिका–१ मा गजेन्द्रबहादुर चन्द, पुर्चौडी नगरपालिका–४ मा गोविन्दबहादुर धामी र दोगडाकेदार गाउँपालिका–४ मा सुरेन्द्रप्रसाद भट्टको नाम तय गरिएको छ।</p>
<p>उम्मेदवार टुंगो लागेसँगै नेकपा र कांग्रेस दुवैले प्रचारप्रसार शुरू गरेका छन्।</p>
<p>अन्य दलहरूले पनि आफ्ना उम्मेदवारको टुंगो लगाउन आन्तरिक तयारी गरिरहेका छन्। <em>रासस</em></p>
प्रतिक्रिया दिनुहोस्
.jpg)
