नेकपाले लगायो केन्द्रीय निकायको टुंगो, अनुशासन आयोगमा बोहरा
<p>काठमाडौं। सत्तारूढ नेपाल कम्युनिस्ट पार्टी (नेकपा) ले नेताहरुलाई जिम्मेवारी तोक्दै केन्द्रीय निकायहरुको एकीकरणको काम सम्पन्न गरेको छ। </p>
<p>प्रधानमन्त्री निवास बालुवाटारमा भर्खरै सकिएको नेकपा सचिवालय बैठकले अनुशासन आयोगको प्रमुखमा अमृतकुमार बोहरालाई चयन गरेको छ। त्यस्तै सचिवमा अशोक रोकाय चयन भएका छन्।</p>
<p>नेकपाको केन्द्रीय सल्लाहकार कमिटीको अध्यक्षमा केशव बडाल र सचिवमा नन्दकुमार थापा चयन भएका छन्। त्यस्तै केन्द्रीय निर्वाचन आयोगको अध्यक्षमा विष्णु पुकार श्रेष्ठ र सचिवमा माधव पौडेललाई चयन गरिएको प्रवक्ता नारायणकाजी श्रेष्ठले <em>देखापढी</em>लाई बताए। </p>
<p>सचिवालय बैठकले लेखा आयोगको अध्यक्षमा पुष्प कँडेल र सचिवमा टंक आचार्यलाई चयन गरेको छ भने ज्येष्ठ कम्युनिष्ट मञ्चको अध्यक्षमा नन्दकुमार प्रसाई र सचिवमा गोविन्द ज्ञवाली चयन भएका छन्।</p>
<p>आजको निर्णयसँगै पार्टीको केन्द्रीय निकायहरुको एकीकरणको मुख्य काम सम्पन्न भएको प्रवक्ता श्रेष्ठले बताए। <br />
</p>
प्रतिक्रिया दिनुहोस्
.jpg)
