बंगलादेशी राष्ट्रपति हमिद आज नेपाल आउँदै
<p>काठमाडौं। बंगलादेशका राष्ट्रपति मोहम्मब अब्दुल हमिद आज औपचारिक भ्रमणमा नेपाल आउँदैछन्। </p>
<p>राष्ट्रपति विद्यादेवी भण्डारीको औपचारिक निमन्त्रणामा हमिदले नेपाल भ्रमण गर्न लागेका हुन्।</p>
<p>उनलाई त्रिभुवन विमानस्थलमा औपचारिक स्वागत गर्ने कार्यक्रम रहेको छ। </p>
<p>परराष्ट्र मन्त्रालयका अनुसार बंगलादेशका राष्ट्रपति हमिदले नेपालका राष्ट्रपति विद्यादेवी भण्डारीसँग शिष्टचार भेटवार्ता गर्नेछन्। </p>
<p>उनले उपराष्ट्रपति नन्नबहादुर पुन, प्रधानमन्त्री केपी शर्मा ओली, राष्ट्रियसभाका अध्यक्ष गणेश तिमिल्सिना, परराष्ट्रमन्त्री प्रदीपकुमार ज्ञवालीका साथै राजनीतिक दलका नेतासँग पनि भेट गर्नेछन्। </p>
<p>चारदिने नेपाल बसाइँका क्रममा बंगलादेशका राष्ट्रपति हमिदले पोरखा र काठमाडौंका पुरातात्विक स्थलहरूको समेत भ्रमण गर्ने कार्यक्रम रहेको छ।</p>
प्रतिक्रिया दिनुहोस्
.jpg)
