विधानको पालना गर्न कांग्रेसलाई नेविसंघको आग्रह
<p>काठमाडौ‌ं। नेपाली कांग्रेसको भ्रातृ संस्था नेपाल विद्यार्थी संघले विधानअनुसार तदर्थ समिति बनाउन नेतृत्वसँग माग गरेको छ।</p>
<p>नेविसंघले २५ कात्तिकमा ‘मातृ पार्टीको प्रवृत्ति र नेविसंघको विधानसम्बन्धी’ अन्तरक्रियामा विद्यार्थी नेताले विधानको पालना गर्न मातृ पार्टीलाई आग्रह गरेका हुन्।</p>
<p>नेविसंघका निवर्तमान उपाध्यक्ष रामप्रसाद अधिकारीले नेविसंघको अधिवेशन चाँडो गराउन माग गरे।</p>
<p>“पार्टी बलियो बनाउन भ्रातृ संस्थाको अधिवेशन चाँडो हुनुपर्छ”, उनले भने। </p>
<p>निवर्तमान केन्द्रीय सदस्य सुशील भट्टले विद्यार्थी नेतृत्वमा ३२ वर्षमुनिकालाई ल्याउन विधानले व्यवस्था गरेकाले विधानअनुसार समिति निर्माण गर्नुपर्ने बताए। </p>
<p>विधानअनुसार समिति नआए सशक्त आन्दोलन गर्ने विद्यार्थी नेताहरूले चेतावनी दिएका छन्। <em>रासस</em></p>
प्रतिक्रिया दिनुहोस्
.jpg)
