उपनिर्वाचन: आज स्थानीय तहको उम्मेदवारी दर्ता हुँदै
<p>काठमाडौं। १४ मंसीरको उपनिर्वाचनका लागि आज स्थानीय तहहरुमा प्रमुख तथा वडा अध्यक्ष पदका लागि उम्मेदवारी दर्ता हुँदैछ। </p>
<p>निर्वाचन आयोगले जनाए अनुसार आज विहान १० बजेदेखि दिउँसो १ बजेसम्म उम्मेदवारी दर्ताको समय दिइएको छ।</p>
<p>सम्बन्धित स्थानीय तहको केन्द्रमा स्थापना गरिएको निर्वाचन अधिकृतको कार्यालयमा स्थानीय तहको रिक्त रहेका पदहरुमा उम्मेदवारको मनोनयन दर्ता गर्ने आयोगको कार्यतालिका रहेको छ। </p>
<p>स्थानीय तहको उपनिर्वाचन अन्तर्गत १ उपमहानगरपालिका प्रमुख, ३ गाउँपालिका अध्यक्ष, १ उपाध्यक्ष र ४३ वडाध्यक्षका लागि मतदान हुँदैछ।</p>
<p>प्रतिनिधिसभाका १ र प्रदेशसभाका ३ सदस्यका लागि २१ कात्तिकमै उम्मेदवारहरुको मनोनयन दर्ता भइसकेको छ। </p>
<p>निर्वाचनको आयोगले सार्वजनिक गरेको अन्तिम नामावली अनुसार प्रतिनिधिसभातर्फ उपनिर्वाचन हुने एकमात्र क्षेत्र कास्की निर्वाचन क्षेत्र नम्बर २ मा २१, प्रदेशसभातर्फ भक्तपुर–१, ‘क’ मा १९, बाग्लुङ–२ ‘ख’ मा १० र दाङ–३ ‘ख’ मा १४ जना उम्मेद्वार छन्। यसमा ५५ जना पुरुष र ९ जना महिला छन्। </p>
<p>३७ जिल्लामा रिक्त ५२ पदमा उपनिर्वाचन हुँदै छ। जहाँ ४ लाख ५४ हजार ११४ जना मतदाता रहेका छन्। मतदानका लागि २४७ मतदानस्थल र ५३७ मतदान केन्द्र तोकिएको छ। </p>
प्रतिक्रिया दिनुहोस्
.jpg)
