बाढीपीडित भेट्न अछाम पुगे गृहमन्त्री
<p>कैलाली। गत मंगलबार राति करिब १२ बजे अछामको कैलाश खोलामा आएको बाढीका कारण बगेर बेपत्ता भएका १७ जनामध्ये ११ जना अझै फेला परेका छैनन्।</p>
<p>बाढीपीडितबारे जानकारी लिन सरकारका गृहमन्त्री रामबहादुर थापा 'बादल' ले आज पीडित परिवारहरूसँग भेटघाट गरेका छन्।</p>
<p>काठमाडौंबाट सुर्खेत पुगेका गृहमन्त्री थापा त्यहाँबाट नेपाली सेनाको हेलिकप्टरमार्फत् अछाम पुगेको सुदूरपश्चिम प्रदेश प्रहरी कार्यालय दिपायलका निमित्त प्रहरी प्रमुख एसएसपी मुकेसकुमार सिंहले बताए।</p>
<p>पीडित परिवारलाई भेटी सरकारको तर्फबाट उचित राहत तथा हराइरहेकाहरूको खोजी कार्यमा कुनै कमी हुन नदिने बताए।</p>
<p>गृहमन्त्री थापा मौसममा आएकाे खराबीका कारण अछामकै साँफेमा छन्।</p>
<p><img src="/uploads/editor/2020-08-21/123618192home minster2.jpg" /></p>
<p>बाढीमा हराइरहेकामध्ये फेला परेका थप तीनजनाको समेत सनाखत भएको छ।</p>
<p>सनाखत हुनेमा रामारोशन गाउँपालिका-५ कै बबिता बुढा साउद, अमर साउद र ननसरा शाह रहेको एसएसपी सिंहले बताए।</p>
<p>यसअघि फेला परेका रामारोशन गाउँपालिका-५, सैनीबजारका नवीन साउद, चन्द्र साउद र गौरी शाहको सनाखत भएकाे थियाे।</p>
<p>हराइरहेकाहरूको उद्धार तथा खोजका लागि नेपाली सेना, नेपाल प्रहरी र सशस्त्र प्रहरी तथा स्थानीय खोजी कार्यमा लागिरहेका छन्।</p>
प्रतिक्रिया दिनुहोस्
.jpg)
