दुई देशको सहमतिमा सीमाको नक्सा बन्नुपर्छ: मन्त्री अर्याल
<p>वीरगंज। भूमि व्यवस्था, सहकारी तथा गरिवी निवारण मन्त्री पद्माकुमारी अर्यालले सीमाको नक्सा दुई देशको सहमतिमा बन्नुपर्ने बताएकी छन्।</p>
<p>पर्साको वीरगंजमा आयोजित पार्टी कार्यकर्ता भेटघाटमा बोल्दै मन्त्री अर्यालले लिपुलेक, कालापानी नेपालकै नक्सामा राखिसकेको बताइन्।</p>
<p>मन्त्री अर्यालले भनिन्, "लिम्पियाधुराको सवालमा प्रमाणहरु जुटाउँदै छौं, लिपुलेक र कालापानी नेपालको नक्सामा नै राखिसकियो ।"</p>
<p>आफ्नो भूमि जोगाउन सरकारले कुनै कसर बाँकी नराख्‍ने मन्त्री अर्यालले स्पष्ट पारिन्।</p>
<p>"यो सरकारले लिपुलेक, कालापानी र लिम्पियाधुरा लगायतको नेपाली भूमि जोगाउन कुनै कसर बाँकी राख्दैन, ज्यान फालेर भए पनि आफ्नो भूमि आफ्नै गरेर छोड्छ", उनले भनिन्। </p>
<p>मन्त्री अर्यालले सरकारले गरिरहेको कामलाई जनतामाझ लैजान नेकपा कार्यकर्तालाई आग्रह गरेकी छन्।</p>
<p>"सरकारविरुद्ध सामाजिक सञ्जाल र बाहिर भइरहेको गलत प्रचारले फिल्डजति सबै प्रतिपक्षलाई छाडेर चुप बसेजस्तो देखियो, कम्तिमा राम्रा कामको प्रचार गर्न तपाईँहरुसँग आग्रह गर्छु", उनको भनाइ थियो।</p>
<p> </p>
प्रतिक्रिया दिनुहोस्
.jpg)
