बंगलादेशी राष्ट्रपति हमिद र नेकपा अध्यक्ष दाहालबीच भेटवार्ता
<p>काठमाडौं। नेपाल भ्रमणमा रहेका बंगलादेशका राष्ट्रपति मोहम्मद अब्दुल हमिदले नेपाल कम्युनिष्ट पार्टी (नेकपा) का अध्यक्ष पुष्पकमल दाहालसँग भेटवार्ता गरेका छन्।</p>
<p>राष्ट्रपति हमिद र नेकपा अध्यक्ष दाहालबीच होटल म्यारियटमा केहीबेरअघि भेट भएको हो। </p>
<p>दाहालसँगको भेटअघि राष्ट्रपति हमिद र राष्ट्रियसभाका अध्यक्ष गणेशप्रसाद तिमल्सिनाबीच भेटवार्ता भएको थियो।</p>
<p><img alt="" height="589" src="https://www.dekhapadhi.com/storage/photos/shares/Politics/upper house vs bangali pressident.jpg" width="960" /></p>
<p> दुवै भेटवार्तामा नेपाल-बंगलादेश सम्बन्ध र द्वीपक्षीय हितलगायतका विषयमा छलफल भएको छ। </p>
<p>आजै दिउँसो २ बजे नेपाली कांग्रेसका सभापति शेरबहादुर देउवा, २:४५ बजे प्रधानमन्त्री केपी शर्मा ओली र ३:१५ बजे उपराष्ट्रपति नन्दबहादुर पुनसँग राष्ट्रपति हमिदको भेटवार्ताको कार्यतालिका छ।</p>
<p>त्यसपछि राष्ट्रपति हमिद राष्ट्रपति विद्यादेवी भण्डारीसँग शिष्टचार भेटवार्ताका लागि शितलनिवास जानेछन्। हमिदको सम्मानमा राष्ट्रपति भण्डारीले आज साँझ राजकीय भोजको आयोजना गरेकी छन्। </p>
<p>२६ कात्तिकमा काठमाडौं आएका राष्ट्रपति हमिद २९ कात्तिकसम्म नेपालमा रहनेछन्। उनले भक्तपुर दरबार क्षेत्र, पोखराका साथै काठमाडौंको चन्द्रागिरीको भ्रमण गर्ने कार्यक्रम छ। <br />
</p>
प्रतिक्रिया दिनुहोस्
.jpg)
