प्रवण मुखर्जीको निधनप्रति राष्ट्रपति र प्रधानमन्त्रीद्वारा समवेदना व्यक्त
<p>काठमाडौं। भारतका पूर्व राष्ट्रपति प्रवण मुखर्जीको निधनप्रति राष्ट्रपति विद्यादेवी भण्डारीले समवेदना व्यक्त गरेकी छिन्।</p>
<p>ट्वीटरमार्फत नेपालीमै समवेदना प्रकट गर्दै राष्ट्रपति भण्डारीले लेखेकी छिन्, "भारतका पूर्व राष्ट्रपति श्री प्रणव मुखर्जीको आज भएको दुःखद् निधनबाट मर्माहत भएको छु। नेपाली जनता, नेपाल सरकार तथा मेरो व्यक्तिगत तर्फबाट भारतीय जनता, भारत सरकार र शोकाकुल परिवारप्रति हार्दिक समवेदना व्यक्त गर्दछु। उहाँको निधनबाट नेपालले एक असल मित्र गुमाएको छ।"</p>
<p>त्यस्तै प्रधानमन्त्री केपी शर्मा ओलीले पनि मुखर्जीको निधनप्रति गहिरो समवेदना प्रकट गरेका छन्। ट्वीट गर्दै प्रधानमन्त्री ओलीले प्रवण नेपालको ‘ग्रेट फ्रेण्ड’ रहेको बताएका छन्। मुखर्जीले नेपाल र भारतको सम्बन्ध बलियो बनाउन धेरै प्रयासहरु गरेको ओलीको भनाई छ। ओलीले शोकाकूल परिवारजनप्रति समवेदना प्रकट गरे।</p>
<p>मुखर्जीको दिल्लीस्थित सैनिक अस्पतालमा उपचारको क्रममा आज निधन भएको थियो। ८४ वर्षीय मुखर्जीको ब्रेन सर्जरीपछि अवस्था गम्भीर बन्दै गएको थियो। १० अग्रस्टमा अस्पताल भर्ना भएका उनमा कोरोना पोजिटिभ देखिएको थियो।</p>
प्रतिक्रिया दिनुहोस्
.jpg)
