समाजवादी-राजपा एकीकरण पहल
<p>काठमाडौं। समाजवादी पार्टीले राष्ट्रिय जनता पार्टी (राजपा) नेपालसँग एकीकरणका लागि छलफल थालेको छ। </p>
<p>समाजवादी पार्टीको २८ कात्तिकमा बसेको संघीय परिषद् बैठकमा अध्यक्ष डा. बाबुराम भट्टराईले राजपासँग एकीकरण वार्ता भइरहेको जानकारी दिएका हुन्। </p>
<p>बैठकमा अध्यक्ष डा. भट्टराईले प्रस्तुत गरेको राजनीतिक प्रतिवेदनमा राजपासँग मुद्दा मिल्ने उल्लेख छ।</p>
<p>भट्टराईले राजपालाई पहिचान र लोकतन्त्रको पक्षपाती दलको संज्ञा दिएका छन्। </p>
<p>समाजवादीले नेकपा, कांग्रेस, राप्रपालगायतका दलसँग भने एकीकरण नगर्ने प्रस्ट पारेको आजको <em>अन्‍नपूर्ण पोष्ट</em>मा समाचार छ। </p>
<p>केही महीनायता समाजवादी पार्टी र राजपा नेपालबीच एकीकरणका लागि अनौपचारिक संवाद भइरहेको छ।</p>
<p>राजपा नेपालले एकीकरणका लागि समाजवादी पार्टी सरकारबाट बाहिरिनुपर्ने र समानताका आधारमा नेतृत्व व्यवस्थापन हुनुपर्ने सर्त अघि सारेको छ। </p>
प्रतिक्रिया दिनुहोस्
.jpg)
