काँकडभिट्टा-इनरूवा रेलमार्गको ठेक्का रोक्न कांग्रेस वरिष्ठ नेता पौडेलको माग
<p>काठमाडौं। नेपाली कांग्रेसका वरिष्ठ नेता रामचन्द्र पौडेलले काँकडभिट्टा-इनरूवा रेलमार्ग निर्माणको ठेक्का रोक्न माग गरेका छन्।<br />
रेल विभागले हचुवाको भरमा ठेक्का लगाएको उनको आरोप छ।</p>
<p>नेता पौडेलले ठेक्का रोकेर छानविन गर्न संसदको सार्वजनिक लेखा समिति, विकास समिति, सरकार र अख्यितार दुरुपयोग अनुसन्धान आयोगको ध्यानाकर्षण गराएका छन्।</p>
<p>“आवश्यक गृहकार्य र तयारीविना ठेक्कापट्टाको हतारो गर्नु अनुचित हो”, उनले भनेका छन्, “सार्वजनिक खरिद ऐनको ८, ९, १० र १५ तथा खरिद नियमावली (६) विपरीत रेलमार्ग निर्माणका लागि खुल्ला प्रतिस्पर्धाविना निश्चित ठेकेदरालाई ठेक्का दिनु गलत छ।”</p>
<p>सरकारले पूर्व-पश्चिम रेलमार्गको काँकडभिट्टा–इनरूवा खण्डको निर्माणका लागि ३५ अर्ब रूपैयाँ बिनियोजन गरेको छ। उक्त खण्डमा रेलमार्ग निर्माणको प्रक्रिया रेल विभागले अगाडि बढाएको छ।</p>
<p>तर, रेलमार्ग क्षेत्रमा जग्गा पर्ने स्थानीयले भने जग्गाको मुआब्जा वितरण नगरी निर्माणका लागि प्रक्रिया अगाडि बढाएको भन्दै विरोध गर्दै आएका छन्। </p>
<p>कांग्रेस नेता पौडेलले पनि रेलमार्गमा पर्ने बजारको व्यवस्थापन तथा उक्त क्षेत्रमा जनताले उपभोग गर्दै आएको जग्गाको मुआब्जासमेत नदिइ रेलमार्ग लाग्नु गलत भएको बताएका छन्।</p>
<p>उनले निश्चित ठेकेदारलाई योग्य बनाएर ठेक्का दिनुले सरकारले नीतिगत तथा संस्थागत भ्रष्टाचारलाई प्रोत्साहन गरेको प्रष्ट भएको आरोप लगाए।</p>
प्रतिक्रिया दिनुहोस्
.jpg)
