थबाङमा नेत्रविक्रम चन्द समूहका स्वतन्त्र उम्मेदवारको उम्मेदवारी फिर्ता
<p>रोल्पा। १४ मंसीरमा हुने उपनिर्वाचनको लागि रोल्पा थबाङ गाउँपालिका-१ को वडाध्यक्षमा स्वतन्त्र उम्मेद्वारी दिएका नेत्रविक्रम चन्द समूहका भद्रकुमार झाँक्रीले उम्मेद्वारी फिर्ता लिएका छन्। </p>
<p>झाँक्रीले ३० कात्तिकमा वडाअध्यक्ष पदमा दिएको स्वतन्त्र तर्फको आफ्नो उम्मेदवारी फिर्ता लिएका हुन्।</p>
<p>झाँक्रीले एकता थबाङको पहिचान भएकाले त्यसलाई कायम गर्न सहमतिको प्रयास गरेको तर असफल भएपछि चुनाव नलड्ने निर्णयमा पुगेर उम्मेदवारी फिर्ता लिएको बताएका छन्।</p>
<p>उनी यसअघि १४ असार २०७४ मा भएको स्थानीय तह निर्वाचनमा सोही वडाको सदस्यमा स्वतन्त्रबाट निर्वाचित भएका थिए।</p>
<p>वडा अध्यक्षमा उम्मेद्वारी दिन उनले २६ कात्तिकमा गाउँपालिका अध्यक्ष वीरबहादुर घर्तीसमक्ष राजीनमा बुझाएका थिए। उनको राजीनामा स्वीकृत भइसकेको छ।</p>
<p>झाँक्रीको उम्मेदवारी फिर्तासँगै अब सत्तारुढ नेपाल कम्युनिष्ट पार्टी (नेकपा) र प्रतिपक्ष नेपाली कांग्रेसका उम्मेदवारबीच प्रतिस्पर्धा हुने भएको छ ।</p>
<p>थबाङ-१ को अध्यक्ष पदका लागि नेकपाको तर्फबाट जनक बुढामगर र कांग्रेसबाट कमल रोका चुनावी मैदानमा छन्।</p>
<p><em>राससको सहयोगमा</em><br />
</p>
प्रतिक्रिया दिनुहोस्
.jpg)
