वामदेव गौतमले लिए राष्ट्रिय सभा सदस्यको शपथ
<p>काठमाडौं। नेपाल कम्युनिष्ट पार्टी (नेकपा)का उपाध्यक्ष वामदेव गौतमले राष्ट्रिय सभा सदस्यको शपथ लिएका छन्।</p>
<p>बिहीबार बसेको मन्त्रिपरिषद् बैठकले गौतमलाई राष्ट्रिय सभा सदस्यमा मनोनयन गर्नका लागि सिफारिस गर्ने निर्णय गरेको थियो। सोही निर्णयअनुसार राष्ट्रपति विद्यादेवी भण्डारीले आज उनलाई राष्ट्रिय सभामा नियुक्त गरेकी थिइन्।</p>
<p>दिगाे विकास समितिकाे सिंहदरबारस्थित हलमा राष्ट्रिय सभा अध्यक्ष गणेशप्रसाद तिमल्सिनाबाट केही बेरअघि गौतमले शपथ लिएका हुन्।</p>
<p><img alt="" src="/uploads/editor/2020-09-17/110821536bamdev sapath1.jpg" /></p>
<p> </p>
प्रतिक्रिया दिनुहोस्
.jpg)
