सांसद छोडेका विजुक्छेंले गर्लान् पार्टी हस्तान्तरण?
<p>काठमाडौं। २०७४ मा सम्पन्न संघीय संसद्को निर्वाचनमा उदाहरण बनेका थिए नेपाल मजदूर किसान पार्टीका अध्यक्ष- नारायणमान विजुक्छें। </p>
<p>बहुदलीय व्यवस्थाको शुरूदेखि नै भक्तपुर-१ बाट सधैं सांसद बन्दैआएका विजुक्छेंले सबैलाई चकित पार्दै गत निर्वाचनमा पार्टीका सचिव प्रेम सुवाललाई त्यहाँबाट सांसदको उम्मेदवार बनाएका थिए।</p>
<p>वृद्ध हुँदासम्म पनि पद नछोड्ने नेताका लागि विजुक्छें उदाहरण बनेको भन्दै चर्चा भएको थियो।</p>
<div style="text-align:center">
<figure class="image" style="display:inline-block"><img alt="" height="369" src="https://www.dekhapadhi.com/storage/photos/shares/Politics/nwpp.jpg" width="738" />
<figcaption>नेमकिपाको सातौं महाधिवेशनको उद्घाटन र्‍यालीमा सहभागी। <em>तस्वीरः केपी छुस्याकीको फेसबुकबाट</em></figcaption>
</figure>
</div>
<p>आजबाट शुरू नेमकिपाको सातौं महाधिवेशनसँगै नयाँ जिज्ञासा थपिएको छ - के विजुक्छेंले पार्टी सत्ता पनि हस्तान्तरण गर्लान् ?</p>
<p>२०३१ सालमा पार्टी स्थापनादेखि नै विजुक्छें पार्टी अध्यक्ष बन्दै आएका छन्। </p>
<p>विजुक्छेंले पार्टी अध्यक्ष छाड्छन्, छाड्दैनन् भन्ने अनुमान भने कसैले गर्न सकेको छैन। उनको स्वभावका कारण पनि अनुमान गर्न गाह्रो हुने गरेको छ।<br />
अन्तिम समयमा मात्र आफ्नो योजना सुनाउने विजुक्छेंको स्वभाव हो।</p>
<p>प्रेम सुवाललाई सांसद उम्मेदवार बनाउँदा पनि कुनै पूर्वसंकेत नदिई एकैपटक पार्टी बैठकमा घोषणा गरेका थिए। यसैले महाधिवेशनको बन्द सत्रमा मात्र विजुक्छेंले के निर्णय गर्नेछन् भन्ने थाहा हुनेछ।</p>
<p>आजबाट शुरू महाधिवेशन तीन दिनसम्म चल्नेछ।</p>
प्रतिक्रिया दिनुहोस्
.jpg)
