ओली-दाहालविरुद्धको मुद्दा तामेलीमा
<p>काठमाडौं। नेपाल कम्युनिस्ट पार्टीका अध्यक्ष तथा प्रधानमन्त्री केपी शर्मा ओली र कार्यकारी अध्यक्ष पुष्पकमल दाहाल विरुद्धकाे अवहेलना मुद्दालाई सर्वाेच्च अदालतले तामेलीमा राखेकाे छ।</p>
<p>न्यायाधीश तेजबहादुर केसीकाे इजलासले तामेलीमा राख्ने निर्णय गरेकाे हाे। मुद्दा चल्न नसक्ने अवस्था भएकाे नदेखिएमा स्थगन गर्नुलाई तामेली भनिन्छ।</p>
<p>जनता समाजवादी पार्टी नेपालका नेता (तत्कालीन राजपा नेता) सर्वेन्द्रनाथ शुक्लले अदालतकाे अवहेलना मुद्दा अध्यक्षद्वय विरूद्द २०७४ कार्तिक १३ गते सर्वाेच्चमा दायर गरेका थिए।</p>
<p>त्यसअघि कार्तिक ९ गते राजधानी काठमाडौमा पत्रकार सम्मेलन गरेर ओली र दाहालले मतपत्र छाप्ने प्रक्रिया अगाडि बढाउन नदिने भन्दै अदालतकाे आदेशकाे मर्यादा र गरिमा कायम नगरी अवहेलना गरेकाे दाबी गर्दै मुद्दा दायर गरेका हुन्।</p>
<p>उनले एक वर्ष कैद सजाय र १० हजार रूपैयाँ जरिवानाकाे माग दाबी गरेका थिए।</p>
प्रतिक्रिया दिनुहोस्
.jpg)
