चीनले बनाएको भवन सिमानाभन्दा १ किलोमिटर पर छ: परराष्ट्र मन्त्रालय
<p>काठमाडौं। चीनले नेपाली भूमि मिचेर भवनहरु बनाएको बारे विभिन्न मिडियामा आएको समाचारप्रति परराष्ट्र मन्त्रालयले आफ्नो ध्यानाकर्षण भएको बताएको छ।</p>
<p>हुम्ला जिल्लामा पर्ने नेपाल-चीन सिमाना छुट्याउने ११ र १२ नम्बर पिलर भएको स्थानमा चीनले भवनहरु बनाएको विभिन्न मिडिया आएपछि एक प्रेस विज्ञप्ति जारी गर्दै आफ्नो ध्यानाकर्षण भएको जनाएको हो।</p>
<p>"नेपाल सरकारको अनुगमन समितिले सोही स्थानमा पुगेर अनुगमन गर्दा सीमा नक्साअनुसार नेपाल-चीन सीमाबाट १ किलोमिटर पर चीनकै भू-भागमा भवन निर्माण भएको पाइएको छ," विज्ञप्तिमा भनिएको छ, "यस्तै समाचार २०१६ मा पनि आएका थिए।"</p>
<p>दुई देशबीच भएका सन्धी-सम्झौता अनुरूप नै सीमा निर्धारण भएको र नेपाल-चीनबीच निरन्तर रूपमा सीमामा सम्पर्क हुँदै आएको मन्त्रालयले बताएको छ।</p>
<p><img alt="" src="/uploads/editor/2020-09-23/170331448Ministry of foreign affairs .jpg" /></p>
<p> </p>
प्रतिक्रिया दिनुहोस्
.jpg)
