सार्क विदेशमन्त्री स्तरीय भर्चुअल बैठक सम्पन्न
<p>काठमाडौं। दक्षिण एसियाली क्षेत्रिय सहयोग संगठन (सार्क) को विदेशमन्त्री स्तरीय भर्चुअल बैठक आज सम्पन्न भएको छ। </p>
<p>सार्क सदस्यमध्ये भारत र पाकिस्तानबीच तनाव बढ्दा लामो समयदेखी सार्क विदेशमन्त्री स्तरीय बैठक बस्न सकेको थिएन। अहिले संयुक्त राष्ट्रसंघको ७५औं महाशभाको साइडलाइनमा सार्क विदेशमन्त्री स्तरीय भर्चुअल बैठक बसेको हो। भारत र पाकिस्तानबीच तनाव बढ्दा सन् २०१६ मा पाकिस्तानम हुनुपर्ने सार्क शिखर सम्मेलन हालसम्म हुन सकेको छैन।</p>
<p>आज सम्पन्न सार्क विदेशमन्त्रीहरुको भर्चुअल छलफललाई परराष्ट्र मन्त्रालयले अनौपचारिक बैठक भनेको छ। सार्क विदेशमन्त्री स्तरीय भर्चुअल बैठकको अध्यक्षता परराष्ट्रमन्त्री प्रदीपकुमार ज्ञवालीले गरेका थिए। </p>
<p>“बैठकमा सार्क सदस्य राष्ट्र सबैको परराष्ट्र तथा विदेश मन्त्रीहरुके सहभागीता रहेको थियो,” परराष्ट्र मन्त्रालयद्वारा जारी विज्ञप्तिमा उल्लेख छ। </p>
<p><img alt="" height="600" src="https://scontent.fktm3-1.fna.fbcdn.net/v/t1.15752-9/120199908_251375282855176_5784305774947975212_n.jpg?_nc_cat=107&_nc_sid=ae9488&_nc_ohc=IofxUM_LTdcAX9Boqh7&_nc_ht=scontent.fktm3-1.fna&oh=628863b1b4ad3f066efb584414e212cf&oe=5F9354F9" width="800" /></p>
<p>बैठकलाई सम्बोधन गर्दै परराष्ट्रमन्त्री ज्ञवालीले सार्कलाई प्रभावकारी र नतिजामुखी बनाउनु पर्नेमा जोड दिएका थिए। दक्षिण एसियाली जनताको जीवनमा देखिने गरी परिवर्तन सार्कले ल्याउन सक्नुपर्ने उनले बताएका थिए।</p>
<p>उनले १९औं सार्क शिखर सम्मेलन छिटोभन्दा छिटो आयोजना गर्नको लागि सबै विकल्प खुला गर्न सदस्य राष्ट्रहरुलाई आग्रह गरेका थिए। </p>
<p>परराष्ट्रमन्त्री ज्ञवालीले कोरोना महामारी विरुद्ध सार्क सदस्य राष्ट्रहरु एक भएर लड्न पर्ने बताएका थिए। </p>
<p>बैठकमा भारतका विदेशमन्त्री एस. जयशंकरले सार्कको गतिलाई आतंकवद र राष्ट्रिय सुरक्षाले रोकेको बताए। </p>
<p>“बितेका ३५ वर्षमा सार्कले महत्वपूर्ण उपलब्धि हासिल गरेको छ। तर समृद्धि तर्फको हाम्रो प्रयासमा आतंकवादी गतिविधि र राष्ट्रिय सुरक्षाले बाधा पुर्‍याइरहेको छ,’ जयशंकरले भने।</p>
प्रतिक्रिया दिनुहोस्
.jpg)
