नेकपाले ६ वटै महानगरका अध्यक्ष र सचिव टुंगो लगायो
<p>काठमाडौं। सत्तारुढ दल नेपाल कम्युनिष्ट पार्टी(नेकपा)ले देशका ६ वटा महानगरपालिकाको पार्टी अध्यक्ष र सचिवको टुंगो लगाएको छ।</p>
<p>आज अपराह्न प्रधानमन्त्रीको सरकारी निवास बालुवाटारमा बसेको सचिवालय बैठकले ६ वटै महानगरका अध्यक्ष र सचिव मनोनित गरेको हो। बैठकले उनीहरूको नाम मनोनित गरेको पार्टी प्रवक्ता नारायणकाजी श्रेष्ठले जानकारी दिए।</p>
<p>उनका अनुसार काठमाडौं महानगरको अध्यक्षमा निर्मल देउला मनोनित भएका छन्। सचिवमा रवीन्द्र श्रेष्ठलाई मनोनित गरिएको छ।</p>
<p>ललितपुर महानगरमा अध्यक्ष मन्जली शाक्य र सचिव ज्ञानेन्द्र शाक्य, पोखरा महानगरको अध्यक्षमा दीपक पौडेल र सचिवमा विश्वप्रकाश लामिछाने, भरतपुर महानगर अध्यक्षमा रामप्रसाद न्यौपाने र सचिवमा ईश्वर सापकोटालाई मनोनित गरिएको छ।</p>
<p>वीरगन्ज महानगरको अध्यक्षमा रोहवर अन्सारी र सचिवमा विश्वम्बर शर्मालाई मनोनित गरिएको छ।</p>
<p>विराटनगर महानगरमा सागर थापा अध्यक्ष र हेम कार्की सचिव मनोनित भएका छन्।</p>
<p>प्रवक्ता श्रेष्ठले आजको बैठकले ६ वटा महानगरका अध्यक्ष र सचिवको मात्रै टुंगो लगाएको र बाँकी काम छिट्टै टुंगो लगाउने बताए।</p>
प्रतिक्रिया दिनुहोस्
.jpg)
