कानूनमन्त्रीको पदभार सम्हाल्दै उपेन्द्र यादवले भने- 'प्रधानमन्त्रीले सजिलो बनाइदिनुभो'
<p>काठमाडौं। उपप्रधान तथा कानून, न्याय तथा संसदीय मामिला मन्त्री उपेन्द्र यादवले आज मन्त्रालयमा पदबहाली गरेका छन्।</p>
<p>प्रधानमन्त्री केपी शर्मा ओलीले ४ मंसीरमा गरेको मन्त्रिपरिषद् हेरफेरमा स्वास्थ्य तथा जनसंख्या मन्त्रालयबाट कानून, न्याय तथा संसदीय मामिला मन्त्रालयमा सारिएका यादवले ५ दिनपछि नयाँ मन्त्रालयमा पदभार सम्हालेका हुन्। </p>
<p>कानून मन्त्रालयमा पदबहाली गरेपछि मन्त्री यादवले संविधान संशोधनका लागि आवाज उठाउँदै आएको आफ्नो दललाई कानून मन्त्रालयको जिम्मेवारी दिएर प्रधानमन्त्रीले सजिलो पारिदिएको प्रतिक्रिया दिए।</p>
<p>"उहाँले यही जिम्मेवारी उपयुक्त हुन्छ भन्ने सोचेरै निर्णय गर्नुभएको होला", उपप्रधानमन्त्री यादवले भने, "संविधान संशोधनका लागि पहल गर्न हामीलाई पनि सजिलो भो।" </p>
<p>यादवले मन्त्री हेरफेरको अधिकार प्रधानमन्त्रीको भएकोसमेत बताए। </p>
<p>मन्त्रिपरिषद् पुनर्गठनको क्रममा प्रधानमन्त्रीले कुनै सल्लाह नगरेको भन्दै सत्ता साझेदार समाजवादी पार्टीलाई सरकार छाड्न पार्टीभित्रै दवाब परेको थियो।</p>
<p><img alt="" height="443" src="https://www.dekhapadhi.com/storage/photos/shares/upendra2.jpg" width="960" /></p>
<p>कुनै सल्लाह नगरी मन्त्रिपरिषद पुनर्गठन गरिएको भन्दै समाजवादी पार्टीले असहमति जनाएको थियो।</p>
<p>७ मंसीर राति केन्द्रीय पदाधिकारी बैठकले मन्त्रिपरिषद् पुनर्गठन तथा यसअघि भएको संविधान संशोधनसम्बन्धी सहमति कार्यान्वयनका लागि सरकार र सत्तारुढ नेपाल कम्युनिष्ट पार्टीसँग वार्ता गर्न कार्यदल गठन गर्ने निर्णय गरेको थियो। </p>
<p>कार्यदलमा समाजवादी पार्टीका अध्यक्ष उपेन्द्र यादव, संघीय परिषद् अध्यक्ष बाबुराम भट्टराई, वरिष्ठ नेता अशोक राई र सहअध्यक्ष राजेन्द्र श्रेष्ठ सदस्य छन्।</p>
<p> </p>
प्रतिक्रिया दिनुहोस्
.jpg)
