कात्तिक १७ मा कांग्रेसको पदाधिकारी बैठक
<p>काठमाडौं। नेपाली कांग्रेसले आसन्न केन्द्रीय समिति बैठक अगाडि पदाधिकारी बैठक बोलाएको छ।</p>
<p>बैठक यही कात्तिक १७ गतेका लागि बोलाइएको हो।</p>
<p>बैठकमा वरिष्ठ नेता, पदाधिकारी र पूर्वपदाधिकारीहरूको उपस्थिति हुनेछ ।</p>
<p>पार्टीका सहमहामन्त्री डा. प्रकाशशरण महतले केन्द्रीय समिति बैठकमा प्रस्तुत अजेण्डाहरूको विषयमा छलफल गर्न बैठक बोलाइएको <em>देखापढी</em>सँग बताए।</p>
<p>यसअघि कांग्रेसले बिहीबार केन्द्रीय समिति बैठक यही कात्तिक २१ गते दिउँसो १ बजेका लागि बोलाइसकेको छ। </p>
<p>बैठकमा पार्टीको आगामी १४औं महाधिवेशनबारे छलफल पार्टी केन्द्रीय कार्यालयका मुख्यसचिव कृष्णप्रसाद पौडेलले बताएका छन्।</p>
<p>कांग्रेसको महाधिवेशन आगामी फागुन ७ गतेदेखि १० गतेसम्म हुने भनिएको छ। तर, पनि कोरोना महामारीका कारण महाधिवेशन उक्त समयमा नहुने देखिन्छ।</p>
<p>यस्तो अवस्थामा महाधिवेशनलाई जेठ वा भदौतिर लाने गरी पार्टीमा आन्तरिक छलफल भएको र केन्द्रीय समितिमा औपचारिक छलफल गरी अनुमोदन गर्ने कांग्रेसको तयारी छ। </p>
प्रतिक्रिया दिनुहोस्
.jpg)
