उपनिर्वाचनको प्रचार आज अन्तिम दिन, राति १२ बजेबाट मौन समय
<p>काठमाण्डौं। १४ मंसीरमा हुने उपनिर्वाचनको लागि आज प्रचार-प्रसार गर्ने अन्तिम दिन हो।</p>
<p>आज राति १२ बजेपछि मौन समय शुरु हुने भएकाले राजनितक दल र उम्मेद्वारहरु आज अन्तिम प्रचारमा जुटेका छन्।</p>
<p>मतदान हुने समयको ७२ घण्टा अघिबाट मौन अवधि शुरु हुन्छ। </p>
<p>निर्वाचन आयोगले उपनिर्वाचनको लागि आवश्यक तयारी पूरा भएको जनाएको छ।</p>
<p>प्रतिनिधि सभाअन्तर्गत कास्की-२ मा र प्रदेश सभा सदस्यका लागि भक्तपुर १ (क), बागलुङ २ (ख) र दाङ ३ (ख) मा उपनिर्वाचन हुँदैछ। </p>
<p>नगरपालिका प्रमुखका लागि एक, गाउँपालिका अध्यक्षका लागि तीन, उपाध्यक्षका लागि एक र वडाध्यक्ष ४३ गरी ५२ पदमा निर्वाचन हुँदैछ । </p>
<p><br />
</p>
प्रतिक्रिया दिनुहोस्
.jpg)
