परराष्ट्रमन्त्रीले दिए बन्दना राणालाई बधाई
<p>काठमाडौं। परराष्ट्रमन्त्री प्रदीपकुमार ज्ञवालीले संयुक्त राष्ट्रसंघको मानवअधिकार उच्च आयोग मातहतको महिलाविरुद्ध हुने भेदभाव उन्मूलनसम्बन्धी समिति (सीड) सदस्यमा पुनः निर्वाचित भएकी बन्दना राणालाई बधाई तथा शुभकामना दिएका छन्। </p>
<p>“सीड समितिको सदस्यमा आफ्नो पुरानो मतको रेकर्ड तोड्दै १३७ मत प्राप्त गरी पुनः निर्वाचित भएकोमा बन्दना राणालाई बधाई,” ज्ञवालीले ट्वीटरमार्फत् भनेका छन्, “आशा छ, तपाईंको पुनः विजय महिला सशक्तीकरण र न्यायका लागि महत्त्वपूर्ण हुनेछ।”</p>
<p>हिजो अमेरिकाको न्यूयोर्कमा भएको निर्वाचनमा १३७ मत प्राप्त गरी राणा दोस्रो कार्यकालको लागि निर्वाचित भएकी हुन्।</p>
<p>सीड सदस्यको लागि भएको निर्वाचनमा १९ देशका उम्मेदवार उठेका थिए। मतदानमा राणाले तेस्रो बढी मत ल्याई सन् २०२१ देखि २०२४ सम्मको लागि सीडका ११ सदस्यमा निर्वाचित भएकी हुन्। </p>
<p>सीड संयुक्त राष्ट्रसंघको मानअधिकारसम्बन्धी उच्च आयोगअन्तर्गत रहेको समिति हो।</p>
<p>यो समिति राष्ट्रसंघको साधारण सभाले सन् १९७९ मा स्थापना गरेको थियो भने कार्यन्वयनमा १९८१ बाट आएको हो।</p>
<p>सीडमा अहिले विश्वका १८९ देश सदस्य छन्। सीडमा २३ देशका स्वतन्त्र विज्ञहरू सदस्य रहन्छन्।</p>
<p>नेपाल सन् १९९१ देखि सीडको सदस्य भएको हो। </p>
प्रतिक्रिया दिनुहोस्
.jpg)
