आज उपनिर्वाचन, ७ बजेदेखि मतदान हुँदै
<p>काठमाडौं। उपनिर्वाचन अन्तर्गत आज बिहान ७ बजेदेखि मतदान हुँदैछ। </p>
<p>विविध कारणले रिक्त रहेका स्थानीय तह, प्रदेश सभा र प्रतिनिधि सभा सदस्य गरी ५२ पदमा उपनिर्वाचन हुँदैछ।</p>
<p>उपनिर्वाचन हुने ३७ जिल्लाका २४७ मतदानस्थलमा मतदानका लागि ५३७ केन्द्र राखिएका छन्। </p>
<p>सुरक्षाको भरपर्दो प्रबन्ध मिलाइएकाले ढुक्क भएर मतदानमा सहभागी हुन निर्वाचन आयोगले अनुरोध गरेको छ।</p>
<p>निर्वाचन कानूनले अनुमति दिएका उम्मेद्वार, मतदाता, व्यक्ति वा अधिकारीबाहेक अन्य नुनै पनि व्यक्ति मतदान केन्द्रमा प्रवेश नगर्न आयोगको सुझाव छ। </p>
<p>उपनिर्वाचन हुने स्थानमा अहिले बिहान ७ बजेबाट अपराह्न ५ बजेसम्म मतदाताहरु मतदानस्थल पुगेर आफ्नो मत दिन सक्नेगरी व्यवस्था मिलाइएको छ। </p>
<p>प्रतिनिधि सभाअन्तर्गत कास्की-२ मा र प्रदेश सभा सदस्यका लागि भक्तपुर- १ (क), बागलुङ २ (ख) र दाङ ३ (ख) मा उपनिर्वाचन हुँदैछ। </p>
<p>स्थानीयतर्फ पाँचथरको फाल्गुनन्द, संखुवासभाको मकालु र महोत्तरीको पिपरा गाउँपालिकाको अध्यक्ष तथा हुम्लाको खार्पुनाथ गाउँपालिकाको उपाध्यक्ष पद पनि रिक्त छ ।</p>
<p>सुनसरीको धरान उपमहानगरपालिकाको प्रमुख पदको लागि पनि आजको उपनिर्वाचनमा मतदान हुनेछ। </p>
प्रतिक्रिया दिनुहोस्
.jpg)
