बागलुङ प्रदेश सभामा राष्ट्रिय जनमोर्चाका खिमविक्रम शाही विजयी
<p>काठमाडौं। बागलुङ क्षेत्र नम्बर २ (ख) बाट राष्ट्रिय जनमोर्चाका खिमविक्रम शाही प्रदेश सभा सदस्यमा विजयी भएका छन् । शाहीलाई नेपाल कम्युनिष्ट पार्टी (नेकपा) को समर्थन प्राप्त थियो। </p>
<p>शाहीले ११ हजार २३५ मत प्राप्त गरेका छन्। </p>
<p>उनका निकटतम प्रतिस्पर्धी नेपाली कांग्रेसका जीतबहादुर शेरचनले ९ हजार १३८ मत ल्याए।</p>
<p>दुईजनाबीचको मतान्तर दुई हजार ९७ रहेको छ। </p>
<p>कूल ३५ हजार १८४ मतदाता रहेको यस क्षेत्रमा २१ हजार ३९६ मत खसेको मुख्य निर्वाचन अधिकृत बासुदेव न्यौपानेले<em> देखापढी</em>लाई बताए। बदर मतको संख्या ४२५ छ।</p>
<p>यसअघिको प्रदेश सभा निर्वाचनमा पनि नेपाली कांग्रेसको तर्फबाट शेरचन नै उम्मेद्वार थिए। उनले ८ हजार ६२४ मत ल्याएका थिए। </p>
<p> शेरचनलाई पराजित गर्दै राष्ट्रिय जनमोर्चा टेकबहादुर घर्तीले ११ हजार ८८४ मत ल्याएर निर्वाचित भएका थिए ।<br />
</p>
प्रतिक्रिया दिनुहोस्
.jpg)
