सरकारको ‘सर्वसत्तावाद’ विरुद्ध सडकमा कांग्रेस
<p>काठमाडाैं। प्रमुख प्रतिपक्ष दल नेपाली कांग्रेसले मंसिर २९ गते देशैभर प्रदर्शन गर्ने भएको छ।</p>
<p>तनहुँमा पुल उद्घाटन गर्न पुगेका वरिष्ठ नेता रामचन्द्र पौडेललाई सत्तारुढ नेपाल कम्युनिष्ट पार्टी (नेकपा)का कार्यकर्ताले अवरोध गरेपछि आक्रोशित प्रतिपक्षी कांग्रेसले मंसिर २९ गते ७७ जिल्लामा प्रदर्शन गर्न लागेको हो।</p>
<p>प्रवक्ता विश्वप्रकाश शर्माका अनुसार तनहुँलगायतका घटनाले सर्वसत्तावादको अभ्यासमा सरकार लागेको भन्दै देशैभर प्रदर्शन गर्न लागिएको जानकारी दिएका छन्।</p>
<p>‘भ्रष्टचारमा सरकार लिप्त रहेको छ, जनताका अधिकार कुण्ठित भएको छ, बलात्कारलगायत महिला हिंसा बढेको बढ्यै छ तै पनि सरकार मुकदर्शक भएपछि कांग्रेस सडकमा उत्रिन बाध्य भएको हो,’ प्रवक्ता शर्माले सञ्चारकर्मीसँग भनेका छन्।</p>
<p>मंसिर २९ मा हुने सभामध्ये हेटौंडामा सभापति शेरबहादुर देउवाले र काठमाडौंमा वरिष्ठ नेता पौडेलले सम्बाेधन गर्ने कार्यक्रम तय भएको छ।</p>
<p>७७ जिल्लामा केन्द्रीयस्तरका नेताहरूले सम्बाेधधन गर्ने कार्यक्रम छ। </p>
प्रतिक्रिया दिनुहोस्
.jpg)
