काठमाडौंमा कांग्रेसको प्रदर्शन : सोह्रखुट्टे-जमल हुँदै माइतीघरसम्म
<p>काठमाडौं। नेपाली कांग्रेसले राजधानी काठमाडौंमा मध्यान्हमा प्रदर्शन गर्दैछ।</p>
<p>सोह्रखुट्टे–जमल हुँदै माइतीघरसम्म प्रदर्शन गर्ने कांग्रेस सहमहामन्त्री डा. प्रकाशशरण महतले बताए।</p>
<p>उनका अनुसार माइतीघरमै पार्टीका वरिष्ठ नेता रामचन्द्र पौडेललगायत नेताहरूले सम्बोधन गर्नेछन्।</p>
<p>कांग्रेसले पहिलोपटक सरकारविरुद्ध प्रदर्शन गर्न लागेको हो।</p>
<p>तनहुँमा नेता रामचन्द्र पौडेलमाथि गरिएको दुर्व्यवहारलगायतका घटनाले सर्वसत्तावादको अभ्यासमा सरकार लागेकोले ७७ वटै जिल्लामा प्रदर्शन गर्न लागिएको कांग्रेसले जनाएको छ।</p>
<p>प्रदर्शनमा कांग्रेसले भ्रष्टाचार, बढ्दो बलात्कार र हिंसालगायत जनजीविकाको सवाल उठाउने भएको छ।</p>
<p>देशव्यापी प्रदर्शनअन्तर्गत सभापति शेरबहादुर देउवाले मकवानपुरमा हुने प्रदर्शनलाई सम्बोधन गर्नेछन्।</p>
<p>उपसभापति विमलेन्द्र निधिले भक्तपुर, महामन्त्री डा. शशांक कोइरालाले मोरङ र कोषाध्यक्ष सीतादेवी यादवले ललितपुरमा हुने प्रदर्शनलाई सम्बोधन गर्ने पार्टी केन्द्रीय कार्यालयका मुख्य सचिव कृष्णप्रसाद पौडेलले बताए।</p>
प्रतिक्रिया दिनुहोस्
.jpg)
