गुटका भेला सबै पार्टी फुटाउन गरिएका हुन् : वामदेव गौतम
<p>काठमाडौं। नेपाल कम्युनिष्ट पार्टी (नेकपा)का उपाध्यक्ष बामदेव गौतमले आफू अझै पार्टी एकताको पक्षमा भएको बताएका छन्। गौतमले आफू पार्टी फुटको साक्षी बस्न नसक्ने भन्दै कुनै गुटको भेलामा सहभागी नहुने बताए्का छन्। </p>
<p>“अब फुटको घोषणा गर्न मात्रै बाँकी रहेका बैठक र भेलामा भाग नलिने निर्णय गरेको छु,” बामदेवले सोमबार आफ्नो धारणा राखे, “म पार्टी एकताकै पक्षमा छु। त्यसका निम्ति अर्को निर्णय नहुँदासम्म पार्टी एकिकरण बचाउन सकिन्छ कि भन्ने प्रयासमै रहनेछु।” </p>
<p>प्रचण्ड–नेपाल समूहले अविश्वास प्रस्ताव ल्याउने तयारी गरेपछि प्रधानमन्त्री ओलीले प्रतिनिधिसभा भंग गरिदिएका थिए। प्रधानमन्त्री ओलीले वैशाखको तेस्रो साताका लागि मध्यावधी निर्वाचन घोषणा गरेका थिए। त्यसपछि सत्तरुढ दल नेकपामा ओली पक्ष र प्रचण्ड-माधव पक्षले छुट्टा छुट्दै भेला गर्दै आएका छन्। </p>
<p>प्रतिनिधिसभा विघटन नहुँदासम्म प्रचण्ड-माधव पक्षमा खुलेर प्रस्तुत हुने गरेका गौतम त्यसपछि तटस्थजस्तै देखिएका छन्। पछिल्लो समय उनी कुनै पनि समूहको बैठकमा सामेल भएका छैनन्। </p>
<p>“कमरेड केपी ओलीले गरेको भेला होस् वा अरु कमरेडहरुले गर्नुभएको भेला नै किन नहोस। ती सबै पार्टी फुटाउनका निम्ति भइरहेका छन्। म फुटको साक्षी बस्न सक्दिनँ। म यो पार्टी एकीकरण गराउने मध्येको एक नेता हुँ। त्यसैले अहिले पनि एकताको पक्षमा छु।”</p>
प्रतिक्रिया दिनुहोस्
.jpg)
