बामदेव गौतमलाई फकाउन प्रचण्ड-नेपाल समूह भैंसेपाटीमा
<p>काठमाडौं। नेपाल कम्युनिस्ट पार्टी (नेकपा) को उपाध्यक्ष बामदेव गौतमलाई फकाउन उनकै निवास भैंसेपाटीमा प्रधानमन्त्रीसमेत रहेका अध्यक्ष केपी शर्मा ओली इतरका नेताहरू पुगेका छन्।</p>
<p>गौतमका प्रेस संयोजक विश्वमणि सुवेदीले पार्टीका वरिष्ठ नेता माधवकुमार नेपाल, प्रवक्ता नारायणकाजी श्रेष्ठ लगायतका नेताहरू उपाध्यक्ष गौतमसँग छलफलका लागि आइपुगेको बताए।</p>
<p>“आधा घण्टा अगाडि नेताहरू आइपुगेका छन्, छलफल भइरहेको छ,” उनले देखापढीलाई बताए।</p>
<p>पार्टी विभाजन नजिक पुगेको अनुमान गरिएको बेला गौतमलाई आफ्नो समूहमा आबद्ध गराउन प्रचण्ड–नेपाल समूहको जोडबल चलिरहेको छ।</p>
<p>दिउँसो उक्त समूहको केन्द्रीय कमिटि बैठक बबरमहलतको कार्की बैंक्वेयटमा बस्दैछ।</p>
<p>बैठकमा गौतम नआउने बुझेपछि फकाउन नेताहरू भैंसेपाटी पुगेका हुन्।</p>
प्रतिक्रिया दिनुहोस्
.jpg)
