आ-आफ्नो निर्वाचन क्षेत्रमा गएर कांग्रेस नेताहरूले सम्बोधन गर्ने
<p>काठमाडौं। नेपाली कांग्रेसका नेताहरूले आ-आफ्नै संसदीय निर्वाचन क्षेत्रमा हुने प्रदर्शनलाई सम्बोधन गर्ने भएका छन्।</p>
<p>प्रदर्शन भोलि गर्ने कांग्रेसले घोषणा गरेको छ।</p>
<p>संसदीय निर्वाचन क्षेत्रमा हुने प्रदर्शनलाई सम्बोधन गर्न संघीय राजधानी काठमाडौं भएका कतिपय केन्द्रीय नेताहरू आ–आफ्ना निर्वाचन क्षेत्रतर्फ लागेका छन्।</p>
<p>“कसले कहाँ सम्बोधन गर्ने भन्ने तोकिएको छैन, आ-आफ्नो संसदीय निर्वाचन क्षेत्रमा हुने प्रदर्शनलाई सम्बोधन गर्ने भन्ने छ र कतिपय नेताहरू त्यतै छन्, नभएकाहरू लागेका छन्,” कांग्रेस सहमहामन्त्री डा. प्रकाशशरण महतले बताए।</p>
<p>तर, सभापति शेरबहादुर देउवा भने आफ्नो संसदीय निर्वाचन क्षेत्रमा नजाने भएका छन्।</p>
<p>उनले शनिबार अपिल जारी गर्दै प्रदर्शनमा सहभागी हुन आग्रह गरेका छन्।</p>
<p>सरकारले पुस ५ गते प्रतिनिधिसभा विघटन गरेपछि कांग्रेस फेरि सडकमा जान लागेको हो।</p>
<p>यसअघि मंसिरको २९ गते कांग्रेसले देशभर सरकारविरुद्ध प्रदर्शन गरेको थियो।</p>
प्रतिक्रिया दिनुहोस्
.jpg)
