असन्तुष्ट ‘प्रचण्ड-माधव’ समूहको पार्टी कार्यालय पेरिसडाँडा
<p style="text-align: justify;">काठमाडौं। सत्तारूढ नेपाल कम्युनिस्ट पार्टी (नेकपा) को ‘प्रचण्ड-माधव’ समूहले पार्टी केन्द्रीय कार्यालय धुम्बाराही छाडेको छ।</p>
<p style="text-align: justify;">उक्त समूहले पूर्वमाओवादी पार्टी कार्यालय पेरिसडाँडाबाट समूहको गतिविधिहरू सञ्चालन गर्न थालेको छ।</p>
<p style="text-align: justify;">राजनीतिक रूपमा मात्रै विभाजन भए पनि कानुनी रूपमा विभाजन हुन बाँकी छँदै पार्टी केन्द्रीय कार्यालय धुम्बाराहीलाई ‘प्रचण्ड-माधव’ समूहले छाडेको हो।</p>
<p style="text-align: justify;">आज उक्त समूहको सचिवालय र स्थायी कमिटी बैठक पेरिसडाँडामा बस्दै छ।</p>
<p style="text-align: justify;">सोही समूहकी स्थायी कमिटी सदस्य अष्टलक्ष्मी शाक्यले पेरिसडाँडामा दिउँसो साढे १२ बजेपछि बैठक बस्ने बताइन्।</p>
<p style="text-align: justify;">“पार्टी केन्द्रीय कार्यालयमा ताला लगाएको छ भन्ने सुनेको छु,” उनले भनिन्, “त्यही भएर यता (पेरिसडाँडा)मा बस्दै छौं।”</p>
<p style="text-align: justify;">कानुनी रूपमा विभाजन भइनसकेकोले पार्टीको चल/अचल सम्पति बाँडफाँट भएको छैन।</p>
<p style="text-align: justify;">हुनतः राजनीतिक दलसम्बन्धीको अध्यादेशले नेकपालाई पाँच वर्षसम्म फुट्न दिँदैन।</p>
<p style="text-align: justify;">अथवा, नेकपाको फुटले वैधता प्राप्त गर्दैन।</p>
<p style="text-align: justify;">यसबीचमा ‘प्रचण्ड-माधव’ समूह भने आफैं पार्टी केन्द्रीय कार्यालय धुम्बाराहीबाट अगल भएको देखिएको छ।</p>
<p style="text-align: justify;">उनीहरू त्यहाँ (धुम्बाराही) जान चाहेका छैनन्। बरू, कहिले बबरमहलको कार्की ब्याङ्क्वेट त कहिले खुमलटारमा बैठक बस्ने गरेको छ।</p>
<p style="text-align: justify;">ठूलो सङ्ख्याको उपस्थितिमा बैठक बस्नु परे पेरिसडाँडामा बस्ने गरेको देखिएको छ।</p>
<p style="text-align: justify;">यसअघि उक्त समूहले पुस ३ गते पेरिसडाँडामै १ नम्बर प्रदेशका कार्यकर्ताहरूको भेला राखेको थियो।</p>
.jpg)
