प्रचण्ड र माधवका कारण पार्टीमा अभूतपूर्व संकट आयो : उपप्रधानमन्त्री पोखरेल
<p>काठमाडौं। प्रधानमन्त्री तथा मन्त्रिपरिषद् कार्यालय हेर्दै आएका उपप्रधानमन्त्री ईश्वर पोखरेलले नेपाल कम्युनिस्ट पार्टी (नेकपा) मा अर्का अध्यक्ष पुष्पकमल दाहाल ‘प्रचण्ड’ र वरिष्ठ नेता माधवकुमार नेपालका कारण अभूतपूर्व संकट आइलागेको आरोप लगाएका छन्।</p>
<p>मन्त्री पोखरेलले प्रचण्डको छिटोछिटो तरङ्गित हुँदै पार्टी कब्जा गरेर नेतृत्वमा पुग्ने तीब्र आकांक्षा र पूर्व एमालेको नवौं महाधिवेशनमा पराजित भएका नेपालको हार नस्विकारी प्रधानमन्त्रीसमेत रहेका अध्यक्ष ओलीविरुद्ध कुण्ठैकुण्ठा बोकेर हिँड्ने प्रवृत्तिले पार्टीलाई संकटमा पुर्‍याएको बताए।</p>
<p>ओलीलाई अध्यक्ष र प्रधानमन्त्री पदबाट हटाउँदै पार्टी कब्जा गर्ने दुष्साहस प्रचण्ड र नेपालबाट पहिले देखि नै भएको पोखरेलको दाबी थियो।</p>
<p>नेपाल मजदुर विशेष जिल्ला कमिटीको अगुवा कार्यकर्ता भेलालाई आज बिहान सम्बोधन गर्दै मन्त्री पोखरेलले अब प्रधानमन्त्री ओली अर्को निर्वाचनपछि सरकार गठन नभएसम्म सरकार प्रमूख र पार्टीको महाधिवेशन नहुञ्जेल अध्यक्ष ररिहरने बताए।</p>
<p>“संँधैभरी केपी शर्मा ओली पार्टी अध्यक्ष हुँदैनन् र प्रधानमन्त्री पनि सँधैभर हुँदैनन्” मन्त्री पोखरेलले भने, “तर, प्रतिनिधिसभाको निर्वाचन÷पार्टीको महाधिवेशन त हुनुप¥यो नि, त्यसबेलासम्म त उहाँ अध्यक्ष र प्रधानमन्त्री हुने कुरा भइहाल्यो।”</p>
<p>ओलीलाई दुबै पदबाट हटाउने प्रयास अस्वीकार्य हुने उनको भनाई थियो।</p>
<p>पार्टीमा गम्भीर संकट आए पनि अध्यक्ष ओली नेतृत्वको नेकपा एकताको पक्षमा उभिएको र एकता जोगाउन अन्तिम समयसम्म प्रयास गर्ने मन्त्री पोखरेलले बताए।</p>
<p>तर, एकता तोडिए त्यसको जवाफ दिन जानिएको उनको चेतावनी थियो।</p>
<p>यस्तै, पार्टीभित्रबाटै प्रचण्ड र नेपाल समूहले घेराबन्दी गरेर प्रधानमन्त्री ओलीलाई असहयोग गर्ने, सरकारका राम्रा कामहरूको प्रचार नगर्ने लगायत कारणले अन्ततः प्रधानमन्त्री ओलीले ताजा जनादेशका लागि प्रतिनिधिसभा विघटन गरेर निर्वाचनको घोषणा गरेको उल्लेख गरे।</p>
<p>“जनतामा जनादेशका लागि जाने कदम असंवैधानिक र अलोकतान्त्रिक कसरी हुन्छ,” उनले प्रश्न गरे।</p>
<p>भेलामा प्रधानमन्त्री ओलीका प्रमुख राजनीतिक सल्लाहकारसमेत रहेका स्थायी कमिटी सदस्य विष्णु रिमालले पार्टी भित्रैबाट घेराबन्दी गरेर विकास र अग्रगमनको बाधकको रूपमा ‘प्रचण्ड-नेपाल’ गुट उभिएपछि ६४ प्रतिशत सांसद भएका प्रधानमन्त्री ओली प्रतिनिधिसभा विघटन गर्न बाध्य भएको जिकिर गरे।</p>
<p>प्रचण्ड र नेपाललाई लक्षित गर्दै उनले पार्टी अध्यक्ष हुने चाहना भए महाधिवेशनबाट जितेर आउन र प्रधानमन्त्री हुने चाहना भए जनताको मत जितेर आउन चुनौती दिए।</p>
<p>पार्टीमा अनेक तिकडम नगरेको भए अहिले सडकमा “हामी यहाँ छौं,” भनेर बस्नु नपर्ने भन्दै उनले प्रचण्ड-नेपाल समूहलाई कटाक्ष गरे।</p>
<p>अध्यक्ष ओलीले खराब प्रवृत्ति भएकाले प्रवक्ताबाट नारायणकाजी श्रेष्ठलाई मात्रै कारबाही गरेको तर, ‘प्रचण्ड-माधव’ समूहले कारबाही गर्दै हटाउँदै पार्टी कार्यालयहरू कब्जा गर्न थालेको रिमालले आरोप लगाए। </p>
प्रतिक्रिया दिनुहोस्
.jpg)
