Politics

गृहपृष्ठ

प्रधानमन्त्री ओलीले भने- मुलुकमा यति धेरै विकासको काम यसभन्दा अगाडि कहिल्यै भएको थिएन काठमाडौं। प्रधानमन्त्री केपी शर्मा ओलीले मुलुकमा विकासको काम यसभन्दा अगाडि यतिधेरै कहिल्यै नभएको दाबी गरेका छन्। ती कामहरू तथ्याङ्&zwj;क र आँकडाले देखाउने उनले बताए। देशभर विकास निर्माणका कामहरू असाधारण रूपमा र द्रूतगतिमा ऐतिहासिक काम भइरहेको उनकाे भनाइ छ। तर, काम भएको देखे पनि नदेखेको झैँ गरिएकाे उनले बताए। “सबैले काम देखेका छन्, देखेर पनि नदेखेझैँ गर्नु, देखे पनि छोप्नु बेग्लै कुरा र देखेपछि अर्कोतिर मुन्टो फर्काएर हिँड्नु बेग्लै कुरा हो तर, विकास भएको छ,” राष्ट्रियसभाको  बैठकलाई सम्बाेधन गर्दै प्रधानमन्त्री ओलीले भने। उनले शिक्षा र स्वास्थ्य क्षेत्रमा वर्तमान सरकारले अधिक काम गरेको जिकिर गरे। “स्वास्थ्य क्षेत्रमा कति काम भएको छ? शिक्षा क्षेत्रमा कति काम भएको छ? सबैलाई थाहा छ कि अधिक कामहरू भएका छन्। त्यसैले स्कूलहरूमा विद्यार्थी भर्नादर हेरौं, ड्रपआउटको दर हेरौं, छात्रछात्राको भर्नादर वृद्धिको कुरा हेरौं,” उनले भने, “सामाजिक समानताको क्षेत्रमा अधिक काम भएकाे छ, यो सानो उपलब्धि होइन।”